Скачать или смотреть Андрэй Андрэевіч Каляда. Імгненні сустрэчы...13 лістапада 2016 года.

Сустрэча адбылася ў год святкавання 50-годдзя народнага тэатра "Жывое слова", які стварыў у 1966 годзе кандыдат педагагічных навук Андрэй Андрэевіч Каляда. У 1991 годзе новымі кіраўнікамі тэатра сталі Алена і Юрась Чарэнкі – вучні Андрэя Каляды. З лютага 2004 года мастацкі кіраўнік “Жывога слова” – яго выпускніца Наталля Кухарава. Сёння творчая каманда кіраўнікоў – жываслоўцы Алеся Сівохіна і Алесь Мойскі.

Андрэй Андрэевіч Каляда (03.06.1940-13.10.2022)
Артыст Нацыянальнага акадэмічнага драматычнага тэатра імя Янкі Купалы,
Выкладчык выразнага чытання Педагагічнага інстытута імя М. Горкага (зараз БДПУ імя М. Танка).
Навуковец , аўтар шматлікіх дапаможнікаў па выразным чытанні, дыкцыі і арфаэпіі
“Тэленастаўнік” – 20 гадоў вёў праграму “Беларуская літаратура ў школе” на рэспубліканскім тэлебачанні.
Заснавальнік, мастацкі кіраўнік і рэжысёр на працягу 25 гадоў народнага тэатра чытальнікаў “Жывое слова”
Прарэктар па вучэбнай рабоце Беларускай акадэміі мастацтваў, прафесар кафедры сцэнічнай мовы і вакала.
Перакладчык рускай класічнай прозы і твораў замежнай літаратуры на беларускую мову.
Чытальнік, які запісаў цэлую бібліятэку аўдыякніг, сярод іх толькі творы У.Караткевіча гучаць больш за 110 гадзін. Асаблівае месца займаюць аўдыякнігі серый «Бібліятэка школьніка», «Славутыя пісьменнікі зямлі беларускай», створаныя ў супрацоўніцтве з выдавецтвам “Вышэйшая школа”.
Выкладчык сцэнічнай мовы тэатральнай лабораторыі Fortinbras Belarus Free Theatre.