Скачать или смотреть DOKUMENTARI - Demonstratat e vitit 1968, Pjesa 1

Filmi dokumentar kushtuar demonstratave studentore të nëntorit të vitit 1968, paraqen gjendjen e mjerueshme eknonomike dhe politike të popullatës shqipatre në Kosovë dhe në viset e tjera shqiptare nën pushtimin jugosllav.
Lëvizja Çlirimtare Kombëtare në Kosovë dhe viset tjera shqiptare në ish-Jugosllavi asnjëherë nuk kishte pushuar së përpjekuri që të realizohej kërkesa bosht e shqiptarëve – ribashkimi me shtetin amë Shqipërinë. Viti 1968 në Kosovë do të sjellë një frymë të re dhe një qëndrim pak më ndryshe që bënte përjashtim nga programet politike të Lëvizjes Kombëtare të deriatëhershme, e kjo ishte qëndrimi që të kërkohej Republika e Kosovës në kuadër të ish-Jugosllavisë, gjithsesi, si hap fillestar për realizimin e formimit të Republikës së pavarur të Kosovës.
Në vitin 1968 në Prishtinë vepronte një formacion i organizatës atdhetare Lëvizja Revolucionare për Bashkimin e Shqiptarëve, e cila ishte themeluar nga Adem Demaçi në vitin 1963. Ky formacion ishte i përbërë, kryesisht, nga anëtarët e Grupit të të Rinjve të LRBSH-së, të cilit në vitin 1964 kishin vepruar në të organizatë, për çka ishin dënuar me dënime jo të gjata dhe ishin përjashtuar nga shkollat e mesme ku po shkolloheshin. Tashti, në verën e vitit 1968, ky grup do të riorganizohet dhe të shtrojë mundësinë të avancojë në veprimtarinë atdhetare – politike. Bërthamën e këtij formacioni e përbënin: Osman Dumoshi, Selatin Novosella, Ibrahim Gashi, Adil Pireva, Shemsi Hoxha dhe Ilaz Pireva. Ata do të mbështeten fuqishëm nga atdhetari Ismail Dumoshi dhe atyre do tu bashkangjiten edhe shumë intelektuaslë tjerë.
Duke u thirrur në argumente historike por edhe në proceset dhe ngjarjet politike nga e kaluara, rinia studentore ngriten në demonstrata në Prishtinë dhe në disa qytete tjera të Kosovës, si dhe në Tetovë, ishin më masovike në atë kohë. Ato u mbështetën edhe nga disa intelektualë, duke dalë me kërkesa për Kosovën Republikë, lejimin e përdorimit publik të flamurit kombëtar si dhe hapjen e Universitetit të Prishtinës.
Në këtë film dokumentar flasin historianë dhe protagonistët e këtyre ngjarjeve dramatike që ndodhën në nëntorin e vitit 1968.