Скачать или смотреть NENO LA SIKU | Luka 14 | Maombi Ya Kukamilisha Mambo Yako | Isaac Javan

Leo tunasoma kitabu cha Luka sura ya kumi na nne, na tunaenda kufanya maombi ya kukamilisha mambo yako. Umewahi kutaka kufanya jambo lakini hukuweza kulikamilisha? Umewahi kuwa na mipango mizuri kwa ajili ya maisha yako, lakini hukuweza kuifanyia utekelezaji?

Haya ni mambo yanayowapata watu wengi kwenye maisha. Wanaanza kufanya jambo zuri, lakini wanashindwa kulikamilisha. Hii si hali ya kawaida kama watu wengi wanavyofikiri. Ipo nguvu ya kiroho inayoweza kumzuia mtu asikamilishe jambo lake, na hata kama akikamilisha, basi hakamilishi kwa wakati.

Lengo la maombi ya leo, ni kushinda roho inayofanya watu washindwe kukamilisha mambo yao. Ni maombi ya muhimu sana, na yanaenda kukuvusha pakubwa na unaenda kupiga hatua. Nakuombea, siku ya leo iwe ni mwanzo wa ushindi wa maisha yako. Siku ya leo uanze kukamilisha mambo yako ya muhimu kwenye maisha. Damu ya YESU inene mema na ikushindie kwa ushindi mkuu. Amen!

Isaac Javan
+255 745 76 45 72