අකුරැස්සේ මහා නිධන් කොල්ලය

මාතර ජ්‍යෙෂ්ඨ පොලිස් අධිකාරීවරයාට ලද තොරතුරක් අනුව කොට්ඨාශ දූෂණ මර්දන ඒකකයේ නිළධාරීන් විසින් අකුරැස්ස-අමලගොඩ ප්‍රදේශයේ ඉඩමක කැනීම් සිදුකර නිධානයක් ගොඩගනිමින් සිටි පුද්ගලයින් සිවු දෙනෙකු අත්අඩංගුවට ගැනීමට සමත්විය.


ඔවුන් සන්තකයේ තිබී නිධානය ලබාගැනීමට අවශ්‍ය පුදපූජා පැවැත්වීමට භාවිතා කල භාණ්ඩ, කුලුගෙඩි, ගල්කටු, ගල් කුඩු කිරීමට භාවිතා කරනු ලබන රසායනික ද්‍රව්‍යය, පස් පිරවූ ලොරි රථයක්, කැනීම් සිදුකිරීමට භාවිතා කල බැකෝ යන්ත්‍රයක් ආදී උපකරණ තොගයක් අත්අඩංගුවට ගෙන ඇත.


නිධානයෙන් ලබාගත් බවට සැකකරුවන් විසින් ප්‍රකාශ කරන ලද රන් පැහැති අඩි දෙකක් පමණ උසින් යුතු කරඬුවක් හා දඹරන් බවට සැකකෙරන කුඩා බුදු පිලිමයක්ද සැකකරුවන් සන්තකයේ තිබී සොයාගෙන ඇත.


සිද්ධියට සම්බන්ධ තවත් පිරිස් ඇතිදැයි සොයා මේ වන විට පොලිස් පරීක්ෂක ක්‍රියාත්මකයි.