Скачать или смотреть કોર્ટે અમેરિકન સ્ટેટના ઈમિગ્રેશન લોને અમલમાં આવતા અટકાવ્યો

અમેરિકામાં વકરી રહેલી ઈમિગ્રેશનની સમસ્યાથી ઘણા રાજ્યો પરેશાન થયા છે. ઘણા રાજ્યોએ ઈમિગ્રેશનને અટકાવવા માટે પોતાના કાયદાઓ પણ બનાવી રહ્યા છે. હાલમાં જ આયોવાએ પોતાનો એક ઈમિગ્રેશન કાયદો બનાવ્યો હતો. આ કાયદા મુજબ જેને અમેરિકામાંથી ડિપોર્ટ કરી દેવામાં આવ્યા હોય કે પછી પ્રવેશ આપવાની ના પાડી દીધી હોય તે જો આયોવામાં પ્રવેશ કરશે તો તે ગુનો ગણાશે. જોકે, ફેડરલ જજે સોમવારે આયોવાને તેના પોતાના ઈમિગ્રેશન કાયદાને લાગુ કરવાથી ટેમ્પરરી બ્લોક કરી દીધો છે. આ ચુકાદો સ્ટેટહાઉસ કન્ઝર્વેટિવ્સ દ્વારા ઈલીગલ ઈમિગ્રેશન પર સત્તા સ્થાપિત કરવા માટે રાષ્ટ્રીય દબાણ વચ્ચે આવ્યો છે જેમાં જસ્ટિસ ડિપાર્ટમેન્ટની દલીલ છે કે આ ફક્ત ફેડરલ સરકારની જવાબદારી છે. જજ સ્ટેફન લોચરે જણાવ્યું હતું કે, રાજકારણની બાબત તરીકે નવા કાયદાનો બચાવ થઈ શકે છે પરંતુ બંધારણની બાબત તરીકે તેનો કોઈ બચાવ થઈ શકે તેમ નથી.