စစ်တပ်ရဲ့ကျရှုံးခန်း မလွဲမသွေဆက်ဖြစ်မယ့် အခြေအနေရောက်သွားပြီ - ပါမောက္ခ ဒေါက်တာမီမီဝင်းဘတ်

အမေရိကန် စစ်တပ်က အငြိမ်းစား ဒုဗိုလ်မှူးကြီး ပါမောက္ခ ဒေါက်တာမီမီဝင်းဘတ်နဲ့ ဘီဘီစီ သီးသန့်မေးမြန်းခန်း

ဒီတစ်ပတ်မှာတော့ လန်ဒန်မြို့ ဘီဘီစီရုံးချုပ်ရဲ့ စတူဒီယိုထဲ ကိုယ်တိုင် ရောက်ရှိနေခဲ့တဲ့ စစ်ဘက်-အရပ်ဘက် ဆက်ဆံရေးပညာရှင်၊ အမေရိကန် စစ်တပ်က အငြိမ်းစား ဒုဗိုလ်မှူးကြီး ပါမောက္ခ ဒေါက်တာမီမီဝင်းဘတ်နဲ့ ဘီဘီစီ သီးသန့်မေးမြန်းခန်းကို သတင်းမြင်ကွင်း အထူး အစီအစဉ် အနေနဲ့ တင်ဆက်သွားမှာ ဖြစ်ပါတယ်။

စစ်တပ်ဟာ DIME လို့ အတိုကောက် ခေါ်နိုင်တဲ့ သံတမန်ရေး၊ သတင်း၊ စစ်ရေးနဲ့ စီးပွားရေး ဘက်ပေါင်းစုံမှာ ရှုံးနိမ့် နေပြီ ဖြစ်တာကြောင့် စစ်တပ်ရဲ့ ကျရှုံးခန်းဟာ မလွဲမသွေ ဆက်ပြီး ဖြစ်ပေါ်နေမယ့် tipping point ကို ရောက်သွားပြီလို့ ပါမောက္ခ ဒေါက်တာမီမီဝင်းဘတ်က ပြောပါတယ်။

နေပြည်တော်ထိ ပစ်မှတ်ထား တိုက်ခိုက်ခံလာရတဲ့ စစ်ရေး နောက်ဆုံး အခြေအနေတွေက အစ၊ လက်ရှိ မြန်မာ့ စစ်ရေး နိုင်ငံရေးတို့ အပေါ် ဘီဘီစီနဲ့ မေးမြန်မးခန်းမှာ ဒေါက်တာမီမီဝင်းဘတ်က သူ့ရဲ့ ကိုယ်ပိုင် အမြင်တွေနဲ့ ကျယ်ကျယ်ပြန့်ပြန့် သုံးသပ်ထားပါတယ်။

ဘီဘီစီသတင်းထောက် ကိုဇေယျာ မေးမြန်း တင်ဆက်ထားပါတယ်။ #ဘီဘီစီမြန်မာပိုင်း #သတင်းမြင်ကွင်း