Renungan Padinan GKJ Purwantoro | Selasa Kliwon,10 September 2024 | Lampah gesang menika pilihan

Renungan padinan GKJ Purwantoro
Seloso Kliwon, 10 september 2024
Pnt.Natan saking Pep. Kismantoro
Monggo kito nggegilut sabdanipun Gusti ingkang kapetik saking
1 Samuel 31:1-5
LAI basa jawa 1980
Sedane Sang Prabu Saul
1
Ing wektu samana wong Filisti padha perang nglawan wong Israel. Wong Israel padha keplayu saka ing ngarepe wong Filisti lan akeh kang padha kapupu ing perang ana ing pagunungan Gilboa.
2
Wong Filisti ora kendhat-kendhat anggone ngoyak Sang Prabu Saul lan para putrane, lan gawe tiwase Pangeran Yonatan, Abinadab lan Malkisua, para putrane Sang Prabu Saul.
3
Wasana perange sangsaya ngrekasa kagem Sang Prabu Saul; para prajurit panahan kang padha methukake panjenengane, padha natoni panjenengane kalawan banget.
4
Sang Prabu Saul nuli ngandika marang abdine kang ngampil gegaman: “Pedhangira unusen lan aku tuweken. supaya aja nganti wong ikuten iku nyuduk aku, sarta aku banjur digawe sawiyah-wiyah.” Nanging abdi kang ngampil gegaman iku mopo, amarga ora tegel. Wekasan Sang Prabu Saul mundhut pedhange, iku banjur dirungkebi.
5
Nalika abdi kang ngampil gegaman weruh, yen Sang Prabu wus seda, iya banjur ngrungkebi pedhange dhewe, temah mati mbelani gustine.
Rahayu saben tiyang ingkang mirengaken dawuh pangandikane gusti lan dipun estokaken ing lampah gesangipun, haleluya,amin

Renungan menika kanthi jejer “ Lampah gesang menika pilihan “

Kadang kulo.. monggo kito enget- enget malih kadospundi lelampahan prabu saul. Sang Prabu saul menika salah setunggaling priya ingkang nglampahi kasinungan kabingahan wonten ing pagesanganipun awit piyambakipun nampi berkah kabegjan ugi kapiji dados wakilipun gusti allah kangge umat Israel. Rikala semanten , peperangan kaliyan bangsa sanes menika limrah sanget inggih awit sang prabu saul menika pilihanipun Gusti, prabu saul saget menangaken ing sedoyo peperangan.
Para sedherek, kados pundi anggen panjenengan nggambaraken bab peperangan?
Inggih, kahanan ingkang nggegirisi awit sedaya manungsa kados mboten wonten ajinipun rikala perang menika kedadosan. Sinten mawon ingkang kaanggep dados mengsah dipun pejahi kanthi cara ingkang maneka warni.

Kadang kulo.. Lelampahan prabu saul saklajengipundumawah wonten ing dosa awit rumaos mboten mbetahaken pitulunganipun Gusti Allah, lan bebendu menika estu kedadosan rikala bangsa filistin nyerang bangsa Israel. Kahananipun prabu saul kados ingkang sampun kawaos kala wau.
Kabegjan gesang, Kahanan ingkang sampun Gusti paringaken dhumateng kulo lan panjenengan kedah dipun jagi kanthi raos tanggel jawab, Supadhosmboten ndatengaken bebendu saking Gusti. Pramil monggo kito niti priksa lalampahan gesang kita. Wiwit sakmenika, kula lan panjenengan ka elingaken malih bab mirengakenugi ngestokaken dawuhipun Gusti ing sak uruting Gesang kito, Supadhos pangajeng-ajeng Gesang Tumuju Kaluhuranipun Gusti allah saget kito tampi. Rikala nyawa Kapundhut, Gesang pengkasan kita saget kasinungan kamulyanipun Gusti Allah. Amin