Скачать или смотреть شيخ الشيوخ | اهداء للشيخ ماجد بن ربيعان | كلمات ناصر بن طريس | اداء جفران بن هضبان

عبرت عن مافي صدور الرياجيل
الحاضره والباديه في وطنّا

واوجزت في ما قلت واحسنت بالقيل
والرجل للحق المبين يتعنّا

المنطق المعقول عند المشاكيل
كل الرقاب تصيع له وتثنّا

ولا في كلامك ريب جمله وتفصيل
بالواقعيه والحقايق مبنّا

شمس النهار تزيل عنّا دجا الليل
وماكل غزوه مثل غزوة مهنّا

شهادتي بك ماعليها مداخيل
مير الضمير اهتاض لك يوم غنّا

ماجد ولك بالمجد ظل ومقاييل
وتاريخ ابلج جاء برمحٍ مطنا

لو ماحصلّك ياسليل الحلاحيل
الا فعول اهلك تكفيك منّا

لكن زدت بفعل ماهوب تطبيل
على رقاب عداك سيفٍ محنّا

قدامك اللي يتعب الحال والحيل
عبدالله بن عمر زبن المجنّا

شيخ الشيوخ اللي عدلها عن الميل
اللي عن اللازم ماعمره توّنا

وانته سلالة طيبين الافاعيل
ذوي محصّن وانسب العلم عنّا

سربة رباعينٍ يوم انَها على الخيل
من الركون اللي تثبّت وطنا

يابو عمر لعل خطو الدعابيل
اللي تكاثر جنسهم في زمنا

اللي ما والله من وراهم محاصيل
يفدون ماطا خطوتك ياجملنّا