Narınc Rüstəmova - Kilo alma və vermə hekayəm...

Süjetin çəkilmə tarixi: 03.10.2015
"Təsadüfən tanışım bu verlişi yolladı mənə... Mən əsasən özümə tv-də baxmağı sevmirəm. Bəlkə 10 illik efir həyatımda 2-3dəfə özümə baxmışam ya yox. Lakin sujetin Məsudumun şəkilləri ilə başlaması məni cəlb etdi. Birdə hiss etmədim ki, necə sona gəlmişəm. Əlimdə telefon gözlərimdən süzülən yaşlar... Gözlərimin önündən keçdi bütün yaşadıqlarım. Allah heç bir qadına bala həsrəti verməsin. Yaşadığım iztirabın təkrar sızıltısını hiss etdim ürəyimdə. 2015-ci ildən başlayan mübarizəm... O zamanlar Məsudumu qucağıma almaq üçün müalicələrdən kilo almışdım. Sonra isə ElNarımı dünyaya gətirmək üçün kilo verməyə başladım. Hər ikisi övlad yolunda oldu. Peşman deyiləm kökəlib arıqlamağıma. Bala üçün min dərdə qatlaşaram, 138 kq. onun yanında nədir ki?! Nəhayət iki aslan parçam yanımdadı. Orda deyirəm "Məsudum qardaş bacı istəyir". Balamı tək qoymadım 5 ildən sonra qardaşı gəldi dünyaya. Dayağı, sirrdaşı, dostu...Arıqlamaq deyirsiniz asan deyil. 6 ilə yaxındır çəkimi saxlamağa çalışıram. ElNarım dünyaya gələndə 105 kq.-a qalxmışdım, yenə endim 70 kq-a. Mən bacardımsa hər kəs bacarar. Sadəcə hər işdə olduğu kimi səbr, səbr, səbr... Səbr edən dərviş muradına ərmiş... Allah həsrətində olan bütün qadınları sevindirsin. Ana adını eşitmək nəsibi olsun. İlk ana kəliməsini Məsud mənə deyəndə 3 gün hər dəfəsində ağlamışam, öpmüşəm... " Narınc Rüstəmova.