Скачать или смотреть MAGBAGO KA! - Motivational Video

Ngayong 2020, kailangang magbago ka para sa ikakabuti mo ngayon at
sa darating pang panahon. Hindi lang ito para sa sarili mo, kundi maging sa
mga susunod pa na salinlahi mo.
'=================================
Ngayong bagong taon magbago ka.
Magbago ka kung gusto mong magbago ang buhay mo. Magbago ka para sa pangarap mo. Magbago ka para sa ikauunlad mo. Oo hindi ito magiging madali, maraming tao at mga pangyayari sa buhay mo ang magpapabagsak at magpapataob sayo, pero wag na wag kang susuko. Lahat ng sumuko ay talo at lahat ng hindi sumuko ay nanalo.

Hindi magiging tuwid na daan ang pagkamit mo sa tagumpay. Asahan at tandaan mo na palaging may mangyayaring masama sayo, na may pader na haharang sa daraanan mo.
Pero wag kang hihinto na lamang sa harap ng pader na ito, gumawa ka ng paraan upang makalagpas sa pader. Akyatin mo ang pader kahit mahirap, hukayin mo ang ilalim ng pader kung kinakailangan, o di kaya ay maghanap ka ng ibang ruta, pabalik sa daan tungong tagumpay mo. Wag na wag kang hihinto, gawin mong apoy ang mga pagsubok na darating sayo upang malagpasan mo pa ang mga susunod pa.

Habang ginagawa mo ang pagbabago sa sarili mo, isipin mo kung para saan ito. Ialay mo ang buong puso, isip at lakas mo para sa kanya, sa sarili mo o kung sa kanino o ano man yan. Wag kang papadala sa mga distraksyon, sa mga maling gawa, adiksyon o bisyo na magpapatagal o magpapalayo sa pangarap mo. Kung anuman ang ginagawa mo ngayon ay makaka apekto sa hinaharap mo. Isang maling desisyon mo ay pwede kang maligaw ng landas, pero kung mangyari man iyon ay bumalik ka sa tamang landas mo at isipin lagi kung para saan ba ang lahat ng to.

Wag kang matakot magkamali. Mas matakot ka kung hindi mo ito sinubukan. Ang daan tungo tagumpay ay binubuo ng ilang libong pagkakamali sa buhay. Wag mong antayin ang tamang oras bago ka kumilos kaya kumilos ka na ngayon. Hindi ka aantayin ng tagumpay, ikaw ang gagawa ng paraan para marating ito. Walang perpektong oras, antas, anyo, edad para gawin ang gusto mong gawin sa buhay. Habang ginagawa mo ito ay maraming manghuhusga sayo, mga taong di maniniwala sa kakayanan at sa pangarap mo. Pero wag na wag mo silang papansinin at tuloy-tuloy ka lang sa nasimulan mo, kahit na magulang, kapatid, kamag-anak o kaibigan mo pa ang mga ito. Patunayan mong kaya mo dahil alam mong kaya mo at may mapapala ka rito.

Kung paulit-ulit ang gingawa mo at wala namng nangyayari. Bakit ginagawa mo pa ito? Kung ayaw mo na ang ginagawa mo, palitan mo na. Kung gusto mo pa ang ginagawa mo, bakit kaya hindi mo baguhin ang atake mo, ibahin mo ang pamamaraan mo dito. Wag mong hahayaan na walang pagbabago sa buhay mo ngayong taon. Ikaw ang gagawa ng pagbabago sa buhay mo. Ikaw ang mag aahon sayo sa hirap. Ikaw ang mag aalis ng bisyo at adiksyon mo. Ikaw ang mag aayos ng nasira mong relasyon sa kapwa mo, sa Diyos at sa kung ano pa. Kung wala kang gustong baguhin sa buhay mo dahil tingin mo ay ayos ka na ngayon, taasan mo pa ang pamantayan mo o ang tingin mong sapat na sayo. Hindi sapat ang pagiging masaya lang mas mahalaga ang pagbabago at pagiging mas mabuting ikaw ngayong taon at sa darating pang panahon. Ang pagbabago ay isang kasiyahan.

Hindi mo na kailangan ngumawa at magreklamo sa nangyari sayong di maganda. Kung sino ba ang may kasalanan nito? Bakit niya ba ginawa yon? O bakit ba ito ang nanyari sa yo? Gumawa ka ng paraan sa problemang ito at ikaw ang maging responsable dito. Maging responsable ka sa buhay mo. Tanggapin mo ang kalagayan mo ngayon. At Maging responsable ka sa mga bagay na gagawin mo at daranasin mo sa landas na tatahakin mo. Dahil may dalawa kang pagpipilian sa buhay: Ang una, ay tanggapin mo na lamang ang kondisyon mo ngayon o ang ikalawa, na maging responsable ka sa buhay mo at baguhin mo ito. Kung ikaw ang dahilan kung bakit ka nasa sitwasyon na ito, ikaw ang mag-alis sa sarili mo rito.

Wag kang hihinto wag kang susuko wag kang papatalo. Subok lang ng subok. Paulit-ulit-ulit-ulit . Wag mong pansinin ang lahat. Hanggang hindi ka sumisigaw ng Panalo! Labanan mo ang sarili mong demonyo, ang mga bagay na tumatalo sa isipan mo. Tanggalin mo na ang lahat ng bagahe mo sa isip . Palayain ang isip at gawin mo na ito. Magbago ka alam kong kaya mo. Magbago ka alam mong kaya mo. Magbago ka. Magbabago ka. Magbago ka na, ngayon mismo.

'=================================
Kung natuto ka sa video na ito at nais pang makanuod ng mga ganitong uri ng video,
I-click lang ang link na ito: http://bit.ly/JWSubscribeNow
'=================================
How to be rich Playlist: http://bit.ly/JWHow2BeRich
'=================================
FOLLOW ME ON FB:   / janitorial.writer  

Official Merch: https://bit.ly/2SE5X8f
'=================================
MARAMING SALAMAT SA SUPORTA! KEEP LEARNING!

#MOTIVATION #2020 #CHANGE #PAGABABAGO #NEWYEARNEWME