Скачать или смотреть ERER KORMAA...(Birbirsa Erer) KUTAA 2 /ARSADII MEDIA

Erer Kormaa
Irreechaa fi Dibaa dibuu Birbirsa Ereritti
KUTAA 2
Tulluun Erer Wiirtuu/ handhura Sirna MUUDAA Oromoo ti; akkuma kutaa duraa keessatti xuquuf yaalle gubbaa isaarra muummewwan ulfoo ta’an 8 fi Siidaa Kormaatu jira; jala isaa immoo Qe’ee warra Muudaa ture(naannawa amma bataskaanni ‘Koraa Maaram’ jedhamu jiruu fi Caffee Dongoraa …
Gaarri kun Holqa hedduu (kan Oromoon dur sirna adda addaatif hooda itti godhachaa ture) qaba. Amma Holqawwan kunniin “Gadaamii” ta’aniiru….
Hayilasillaaseen Tulluu kana gubbaarraa Masaraa Mootummaa qaba ture… Dargiitu jalaa diige.
==============
“… Sirni Tulluurratti gaggeeffamu kamiiyyuu Waxabajjii cufameetu Birraa Masqala booda banama…kun immoo Dibaa Dibuu fi Dibaa saaquu jedhama… amma har’a sirna Dibaa dibuu gaggeessaa jirra… Birraa Onkololessa keecha immoo sirna Dibaa Saaqutiif deebinee dhufna… hanga nuti (warri Abbaa Kolbaa) dibaa dibame deebisnee saaqnutti yeroo kana gidduutti sirni kamiiyyuu asirratti hin raawwatamu… akkuma Malkaan Abbaa Malkaatin saaqamuu fi cufamu sana jechuudha….
Laga Waddeechaa kan Erer jala jiru kana iddoo Malkaa Dalagaa jedhamuun Birraa irreechatu bahama… isas Abbaan Malkaa numa… “ Ob. Ambassaa Taaddasaa Bobbaa (Abbaa Kolbaa, kan Birbirsa Erer)

“Erer sammuu 9 qabu keessaa amma lama qofatu kabajamaa jira; Birbirsaa fi Tuulii qofa. Kaan isaanii erga hafanii barri isaa qaata jedhama… Siidaa Kormaa kana garuu dur warra Erer Abbayyii jedhaman karaa Aqaaqii Basaqaa kanarraa dhufanii Korma isaa godhu kan jedhu dhagaheera… umurii keenyaan hin dhaqqabne…” Ob. Maammoo Gizaa Taaddasaa Bobbaa (Mata-qabo, kan Birbirsa Erer)
Sirni Irreechaa, Biluu fi Dibaa dibuu torban darbe BIRBIRSA Ereritti gaggeeffame irratti argamuun Warra Abbaa Kolbaa fi Hayyuu biraa haasofsiisneerra.