Side Project - Ձայներ

Ձայներ

Պատերով ձայներն անցան,
Հանդիպակաց ու բարձրաձայն,
Հնչյուններից՝ նոր բառեր, բառերից դարձան աղմուկ,
Մի օր աղմուկ, մի օր լույս,
Պատկերն օրացույցից դուրս,
Պատկերում մտացածին ևս մեկ ես ինձնից բացի,

Ձայնակցիր, ևս մեկ ես ինձնից բացի,
Միալար աղմուկին միալար ձայնակցիր,

Պետք է ուժերը լարել,
Միտքը՝ զբաղված պահել,
Մինչև աղմուկը մակարդվի
(մինչև գա ժամը ձայների, մինչև աղմուկը մակարդվի)

Կուզեի, որ ձայնն անցներ պատեր,
Անարգել անցներ-ցրվեր,
(չափից դուրս շատ պահանջներ, չափից դուրս շատ պահանջներ)
Պատերի պես անաղմուկ, անորոշ, շրջված պատկեր,
Հայացքից քանդված պատեր, հայացքից քանդված պատկեր,
Գուցե աղմուկը ձայնակցի, գուցե աղմուկը արթնացնի,
Ինձ կամ այլ մտացածին, ևս մեկին ինձնից բացի,
(գուցե աղմուկը ձայնակցի, գուցե աղմուկը ձայնակցի)
Հնչյուններից փորձի բառեր և ձայներ արձագանքել...

(ձայնակցիր, ևս մեկ ես ինձնից բացի,
մինչև աղմուկը մակարդվի ու գա ժամը ձայների, մինչև աչքերը կբացի ևս մեկ ես ինձնից բացի)

Վոկալները կրկին Արուսիկ Նանյանինն են, սպասում ենք իր հեղինակային երգերին: