#fibonacci #altınoran #qızılnisbət #quranikərim #kəbə #məkkə
1.618033988749894....sonsuzluq.. yəni Qızıl Nisbət! Bu nisbətin bəzi mənbələrdə İlahi nisbət adlandırılmasına da rast gəlmək mümkündür. Bu İlahi nisbətin özəlliyi rəqəmlərinin sonsuz sayda davam etməsidir ki, burada sonsuzluğa və möcüzəvi yaradılışa, Allahın qüdrətinə dair işarələr vardır. Təsadüfi deyil ki, Qurani Kərimin Nəhl, yəni 16-cı surəsinin 18-cı ayəsində buyurulub: “16.18 Əgər saymaq istəsəniz sayıb hesablaya bilməzsiniz. Şübhəsiz Allah çox bağışlayan və mehribandır” .
Allahın İlahi nisbətlə yaradılışa qoyduğu bəzi izləri, mükəmməlliyə və ideyallığa İlahi nisbətin təsirlərindən bəzi faktları və elmi araşdırmaları bir araya toplayaraq sizlər üçün bu videonu hazırlamışam. Zəhmət olmasa Videonu izlədikdən sonra bəyənməyi və kanalıma abunə olaraq dəstək olmağı unutmayın.
Qızıl Nisbət riyaziyyatda və sənətdə bir bütünün hissələri arasında müşahidə edilən və harmoniya baxımından ən dəqiq ölçüləri verdiyi düşünülən həndəsi və ədədi nisbət əlaqəsidir.
İnsan bədəni, ilbiz, dəniz qabığı kimi hər yerdə görünən Qızıl Nisbət araşdırılmağı gözləyən sirri ilə maraq oyatmağa davam edir.
Qızıl nisbət qədim misirlilər və yunanlar tərəfindən kəşf edilmiş və memarlıqda, incəsənətdə istifadə edilmişdir. Bu nisbətə təbiətdəki minlərlə canlının yaradılmasında rast gəlinir. Bu nisbətə riyaziyyatda Rəqəmsal olaraq Fi adı verilmişdir.
Qızıl nisbətin kəşfi
Qızıl nisbət dedikdə ağlınıza Leonardo Fibonaççi gəlir. Leonardo Fibonaççi orta əsrlərin ən istedadlı riyaziyyatçısı hesab edilən italyan riyaziyyatçısıdır.
Fibonaççi bir gün dostunun dovşan fermasına gedir. Burada o, dostu ilə dovşan yetişdirməkdən danışır. Ən az 2 aylıq dovşanların balaları olduğunu öyrənən Fibonaççi, bir cüt dovşandan başlayaraq 100 ayda neçə dovşan olacağını hesablayır. O, bu vəziyyəti riyazi düsturla izah edir.
Beləliklə Fibonaççi ardcıllığı adlanan aşağıdakı ardıcıllığı yaradır, hansı ki, bu ardıcıllığın istənilən nöqtəsindəki bir ədəd özündən əvvəlki iki ədədin cəminə bərabərdir.
0, 1, 1, 2, 3, 5, 8, 13, 21, 34, 55, 89, 144, 233, 377, 610…..
Bu ardıcıllığa əsaslanaraq, Fibonaççi nömrəsini əvvəlkinə bölməklə əldə edilən nisbət sayı isə bizim haqqında danışdığımız qızıl nisbəti verir.
Təbii olaraq İlahi nisbətin Məkkə şəhərindən və Kəbə evindən uzaq keçəcəyini düşünə bilməzdik. Belə ki, Məkkə şəhərinin cənub qütbünə olan məsafəsi ilə iki qütb arasındakı məsafənin nisbəti 1,618-dir. Möcüzə bununla da bitmir. Bütün bəşəriyyətin ümumi lokalizasiya dilinə çevrilmiş enlik uzunluq xəritəsinə görə Dünyanın Qızıl Nisbət nöqtəsi Məkkə şəhərindədir. Belə ki, Məkkə şəhərinin Şərq məsafəsi ilə qərb məsafəsinin gün dönümü xətti kimi göstərilən sərhədə nisbəti də 1,618-dir.
Bundan əlavə, Məkkənin gündönümü xəttindən qərbə olan məsafəsinin həmin enlikdə yerin çevrəsinə nisbəti də təəccüblü şəkildə Qızıl nisbəti və ya 1,618-i verir. Bütün xəritə sistemlərində bir neçə kilometrlik kiçik fərqlərə baxmayaraq, Qızıl Nisbət nöqtəsi heç vaxt Məkkə şəhərini tərk etmir və Kəbəni əhatə edən Müqəddəs Ərazi dairəsində qalır.
Təbiətdəki bütün canlı və cansız varlıqların qızıl nisbəti yaradılışın tələbi kimi varlıqlarda təbii olaraq mövcuddur. Bu təbii sistemi kəşf edən alimlər, elm və incəsənət adamları bir çox yerdə nisbəti vurğulamaqla yanaşı, əsərlərində də ilahi nisbətdən yararlanıblar.
Təbiətdə bir çox bitkilərin yarpaq düzülüşündə, inkişafında, heyvanların anatomik quruluşunda, insan anatomiyasında qızıl nisbəti müşahidə etmək mümkündür. Məsələn, təbiətdə heç bir yarpaq alt yarpağı tamamilə örtəcək şəkildə düzülməmişdir. Beləliklə, bütün yarpaqlar günəşi bərabər qəbul edə, yağış damcıları bütün yarpaqlara toxuna bilər. Bu gözəl tənzimləmə Qızıl Nisbət adlanır.
Arı pətəklərində yaşayan dişi arıların sayı erkək arıların sayına bölündükdə yenə 1,618 nisbətini görürük.
Dəniz qabığının quruluşunda müşahidə zamanı əyrilik aşkar edilmişdi ki, bu əyriliyin tangensi də qızıl nisbət idi.
Günəbaxanın mərkəzindən saat əqrəbi istiqamətində 55 və saat əqrəbinin əksi istiqamətində 89 toxum düzülmüşdür. Bu ədədlərin bir birinə nisbəti də gördüyünüz kimi qızıl nisbəti, yəni 1.618 nisbətini verir. 89/55 = 1,618.
Çobanyastığında isə bu rəqəmlər 21 və 34 olur ki, bu ədədlərin də bir-birinə bölünməsi qızıl nisbəti verir.
Alimlərin digər Araşdırmaları nəticəsində məlum olmuşdur ki, insan bədəninin bir çox üzvləri qızıl nisbətdə yaradılmışdır.
Bir xətt seqmentini (AC) Qızıl Nisbətə uyğun olaraq iki hissəyə bölmək lazım olduqda, bu xətt belə bir nöqtədə (B) bölünməlidir; Kiçik hissənin (AB) böyük hissəyə (BC) nisbəti böyük hissənin (BC) bütün xəttə (AC) nisbətinə bərabər olsun.
Belə ki, qızıl nisbətə görə ayaqların dizə qədər uzunluğunun bütün ayaqların uzunluğuna nisbəti 1.618-dir...
Информация по комментариям в разработке