Скачать или смотреть பல்லி விழும் பலன்: தலையில் பல்லி விழுந்தால் நல்லதா..?

பல்லி விழும் பலன்: தலையில் பல்லி விழுந்தால் நல்லதா..?
பல்லி உடலின் எந்த பகுதியில் விழுகிறது என்பதை பொறுத்தே பலன்களை முன்னோர்கள் கூறுகின்றனர். பல்லி மனிதர்களுக்கு நல்ல சகுனங்களையும், கெட்ட சகுனங்களையும் தெரிவிக்க கடவுளால் அனுப்பப்பட்ட உயிரினம் என்று புராணங்கள் கூட கூறுகின்றன.
-தலையில் பல்லி விழுந்தால், மற்றவர்களின் கடும் எதிர்ப்பு, மன அமைதி இழப்பு, அன்புக்குரியவர்களின் மரணம் போன்ற கெட்ட சகுனத்தை குறிக்கிறது.
-பல்லி தலையில் படாமல் தலை முடியில் பட்டு விழுந்தால் ஏதோ ஒரு வகையில் நன்மை நிகழும் என்பது நம்பிக்கை.
-நெற்றியில் இடது பக்கம் விழுந்தால் கீர்த்தி கிட்டும் என்றும், வலது நெற்றியில் விழுந்தால் லக்ஷ்மி கடாட்சம் ஏற்படும் என்றும் சாஸ்திரம் கூறுகிறது.
-கண்ணின் இடது பக்கம் பல்லி விழுந்தால் பயம் வரும். வலது பக்கம் பல்லி விழுந்தால் சந்தோஷம் கிட்டும். மூக்கின் இடது பக்கம் பல்லி விழுந்தால் கவலை அதிகரிக்கும். மூக்கின் வலது பக்கம் பல்லி விழுந்தால் நோய்கள் வரும்.
-காதில் இடது பக்கம் பல்லி விழுந்தால் லாபம் உண்டாகும். வலது காதில் பல்லி விழுந்தால் ஆயுள் பெருகும்.
-முகத்தில் பல்லி விழுந்தால், உறவினர்கள் வீட்டிற்கு வருவார்கள் என்று அர்த்தம். புருவத்தில் பல்லி விழுந்தால் உயர்பதவியில் உள்ளவர்களிடமிருந்து உதவி கிடைக்கும்.
-தோள்பட்டையின் இடது அல்லது வலது பக்கத்தில் பல்லி விழுந்தால் வெற்றி கிட்டும். வலது மார்பில் பல்லி விழுந்தால் லாபம் கிடைக்கும். இடது மார்பில் பல்லி விழுந்தால் சந்தோஷம் கிடைக்கும்.
-உடலின் இடது கை அல்லது இடது காலில் பல்லி விழுந்தால், அந்த நாள் முழுவதும் நாம் மிகுந்த மகிழ்ச்சியுடன் இருப்போம் என்பது நம்பிக்கை.
-உடலின் வலது கை அல்லது வலது காலில் பல்லி விழுந்தால், அன்றைய தினம் உடல்நல கோளாறுகள் ஏற்பட வாய்ப்புள்ளது என்று அர்த்தம்.
-பாதத்தில் பல்லி விழுந்தால், விரைவில் வெளிநாடு பயணம் செல்லும் வாய்ப்பு கிடைக்கும் என்று அர்த்தம்.