Скачать или смотреть TN 360 NEWS UPDATE | கிருஷ்ணகிரி நவராத்திரி நிறைவு விழா, பிரத்தியேக வீடியோ காட்சிகள்

கிருஷ்ணகிரி மாவட்டத்தில் நவராத்திரி விழா செப்டம்பர் 23ஆம் தேதி தொடங்கி ஒன்பது நாட்கள் சிறப்பாக நடைபெற்றது. வீடுகளிலும் கோயில்களிலும் கொலு அமைத்து, துர்கை, லட்சுமி, சரஸ்வதி தேவிகளுக்கான வழிபாடுகள், விரதங்கள், அன்னதானங்கள் நடந்தன.

விழா நிறைவு நாளான அக்டோபர் 2ஆம் தேதி இரவு, கிருஷ்ணகிரியின் பழையபேட்டை மற்றும் சுற்றுவட்டாரப் பகுதிகளில் உள்ள 14 கோயில்களின் உற்சவ மூர்த்திகள் அழகான அலங்கார தேர்களில் வீதி பவனி வந்து பக்தர்களுக்கு அருள்பாலித்தன. இதில் லட்சுமி நாராயண சுவாமி, சீனிவாச பெருமாள், தஞ்சாவூர் மாரியம்மன், கவீஸ்வரர், சோமேஸ்வரர், ராமர், காட்டிநாயக்கனப்பள்ளி முருகன், புதுப்பேட்டை கிருஷ்ணன் உள்ளிட்ட கோயில்களின் தேர்கள் ஒன்றுகூடி முக்கிய வீதிகள் வழியாகச் சென்றன.

பின்னர் தேர்களுக்கு முன் நடைபெற்ற ‘வன்னிமரம் வெட்டும்’ வழிபாடு பக்தர்களின் பெரும் ஈர்ப்பை பெற்றது. வன்னி இலைகளை வீடு, கடைகளில் வைத்தால் செல்வம் வளம் கிட்டும், தெய்வ அருள் கிடைக்கும் என்ற நம்பிக்கையால் பக்தர்கள் ஏராளமாக சேகரித்தனர்.