Скачать или смотреть Ko hono fakama'opo'opo mo 'analaiso e polokalama 'a Setita mo Siaosi Pohiva fekau'aki mo 'ene hopo!

#PleaseSubscribeLikeAndShare, #KaiUto, #SiaosiPohiva, #SetitaTuionetoa, #PtoaMovement,

Tefito’i launga na’e makatu’unga he ngaahi tukuaki’i ne fai e bribe/s ‘i loto he māhina ‘e 3 pea toki fai e fili Falealea.
Pea moe ‘asenita pe taumu’a ke fili ‘iate kita tokotaha kanititeiti. ‘A ia ko e kupu na’e nofo ki ai ‘ene faka’ilo ko e kupu 21 (1) (a). ‘Oku ‘asi ‘i he above photo kemou laukonga ai.
1. Tukuaki’i ko e seniti na’e ‘oange ki he fine’eiki ‘i ‘Isileli $100 ‘i Sepitema 2021.
2. Tukuaki’i ko e toe pa’anga pe mo ia ‘e $100 ne foaki ki he tangata’eiki Sopu ‘i ‘Okatopa 2021
3. Liquid soap na’e foaki ki he ngaahi ‘apiako faka-local

After e chamber na’e ‘ikai ke tali e ongo tukuaki’i ‘e ua ‘i lalo kae fakangofua pe ‘a e ngaahi tukuaki’i [tikite] ‘e 3 ‘i ‘olunga
4. Langa e ngaahi fale lalanga
5. Langa e kalapu Talimatua ‘i Sopu

Ko e kupu’i lao na’e ngaue’aki ‘e Siaosi Pohiva ki he ‘ene faka’ilo, ‘oku matu’aki mahu’inga ‘aupito e me’a ko e fakamo’oni. Ka na’e māhino he fakatalanoa ‘a Siaosi Pohiva, na’e faingata’a ki he kakai kenau tu’u mai ‘o kau he fakamo’oni’.

Ne admitted pe ‘e Tevita na’a ne fakakata ‘aki ki he fine’eiki Sopu ‘e fili, ka na’e ‘ikai ke lava ‘eku fakamo’oni ‘o fakapapau’i e ‘aho na’e ‘oange ki ai ‘a e $100, ke hoko ‘i loto he māhina ‘e 3 ki mu’a he ‘aho fili. He na’e ‘i ai e fakamo’oni ia mei he tafa’aki ‘e taha’, ko e $100 ia ko e Christmas card ia ne foakiange kiate kinautolu ‘i Tisema 2020, ‘a ia ne ‘i ai e photo ‘o Tevita, pea na’e tohi ai, Kanititeiti fili.

Fakatokanga’i ange, na’e ‘ikai ke ai ha fakamo’oni ‘a Siaosi Pohiva ki he tufa e ngaahi hina “liquid soap” ka na’e pau ke ui he fakamaau ia ‘a e kau fakamatala mei tu’a, pea na’e pau ai ke ui e pule ako ‘o e lautohi pule’anga “GPS Hala ‘o Vave” ke ha’u ki he hopo ke fakahoko hano faka’eke’eke.

Pea na’e faka’aofangatuku ‘aki e tala tu’utu’uni ‘a e Fakamaau : -
1. Na’e ‘ikai ke falala’anga ‘eku ongo fakamo’oni neu ngaue’aki he hopo
2. Ko e tufa/foaki liquid soap ki he ngaahi ‘apiako fakalokolo’ na’e to’o mai he Fakamaau e kupu 24 (3) ‘one ngāue’aki he ‘ene faitu’utu’uni. Ko ‘ene faka’uhinga ki ai’, ko e tokoni ia ‘a e fakafofonga’ ki he ngaahi ‘apiako fakalokolo’ ‘oku ui pe ia ko e foaki/tokoni ki he charitable organization
~~~~~~

Pehe ‘e Siaosi Pohiva, ‘oku ‘ikai ke ma’olunga ange ‘a e anga e nofo ‘a e kolo, kāinga, fāmili, ‘i he kumi ki he totonu ‘a e lao.

Taha e ngaahi tefito’i tui ‘a e Ptoa
1. Fakamaau totonu
2. Hakeaki’i e pule ‘a e lao
Pea pehe leva ‘e Siaosi ko e taha eni ‘a hono hakeaki’i ‘a e pule ‘a e lao. Pea ko e ‘uhinga leva ia ‘ene fai e faka’ilo, he ‘oku tui ia ‘oku ne fai ki he ‘ene lea/tui ‘a e Ptoa. Pea ‘oku ne fai e faka’ilo ke ‘eke’i e fakamaau totonu ko e ‘uhi ke tatau ‘a e me’a ‘oku ne fakamatala holo he ‘ene kemipeini [tefito’i tui/principles] mo ‘ene me’a ‘oku fai. aka. Ke tatau ‘a hono ngutu mo hono tuhu.

Pea toe pehe pe ‘e Siaosi ‘oku ‘ikai ke ‘uhinga ‘ene vilitaki ke toe fakahu atu ‘ene hopo tangi’ ko e ‘uhi ko ‘ene lelei fakafo’ituitui, ka ko e ‘uhi ko e lelei ma’ae fonua’ fakalukufua, mātu’a’, fānau’, moe kaha’u ‘o e fonua’. Pea ne ‘ai leva ‘ene fo’i hikito ko e “Fekumi ki he totonu ke fakatau’ataina’i e kakai mei he ha’isia”’.

PS. Kau ena ia Siaosi he fo’i fakamatala fakanafala lahi faufaua. ‘Oku ‘ikai keu lave’i ‘e kei ‘atamai kovi ho’o kau muimui kenau poupou’i ho’o vilitaki keke toe hopo tangi kanau fua ho’o legal costs. Na’e ‘ikai ke mei hoko ena, ka ko ho’o veuki ho’o mou “Ptoa coreteam”, nake hu ko e ki tu’a mei he coreteam ‘i ho’o fie taki, fie ma’u mafai mo ho’o siokita he na’a ke pēhē pē ‘e koe temou pule’anga he fili Falealea ne toki ‘osi, kake hoko ko e Palemia ‘o Tonga.

Ko e ‘aho ni, kuo ke tu’u mai ke tokoni’i koe he kau poupou’. Faka’ofa si’i kau poupou.

Kaikehe, ko e palopalema ‘oku ‘ikai ko e hakeaki’i e lao’ ke “fekumi ki he totonu ke fakatau’ataina’i e kakai mei he ha’isia” ka ko e lao’ ‘oku faka’ofa faufaua ‘i hono “fakalea pe kakano [wordings]” pē ‘e fakalea pē ko e lao ne fatu pea fakapaasi ke hoko ko e Electoral Act 1989 ‘oku fu’u ma’ulalo fau, ‘oku ‘ikai ke toe ‘i ai hano fakapopoto, ka ko hano toe fakalelei’i pe ke toe lelei ange ‘ene ngaue’ he kaha’u.

Ko ho’o faka’uhinga ko ho’o “hakeaki’i e pule ‘a e lao” ‘oku hala ia, ka ‘oku totonu keke ‘ai pē, ko ho’o kumi ho faingamālie keke toe foki ai ki Falealea, pea ‘oku ke fai pe ‘e koe ‘a e faka’ilo’ he taha’ ‘oku mole ai ha’o pa’anga, he ‘oku fua atu pe ho’o kau poupou.
~~~~~~~~~

PS. KATAKI 'O FAKATOKANGA'I ANGE KO E KAKATO 'A E 'ANALAISO, 'OKU 'ASI PE IA HE VIDEO. MOU TOKI LAUKONGA ATU PE AI.

MALO 'AUPITO.
~~~~~~~~

Follow Kai 'Uto on Twitter   / uto_kai  
Follow Kai 'Uto on Facebook   / 989576665324454  
Follow Kai 'Uto on Instagram   / kaiuto_channel  
Follow Kai 'Uto on Tiktok   / kaiutochannel  

Business Inquiries ONLY
20kaiuto21@gmail.com

PS. I don't own the rights to the music