გაყინული ფარავნის ტბა, სამცხე-ჯავახეთი|Georgianadventurer

ვლოგი ფარავნის ტბიდან🗻🤍🗺️🌊

ვესტუმრე ჩემს საყვარელ ტბას, რომელიც თბილისიდან 2.5 საათის გზაზე მდებარეობს ჯავახეთში. ფარავნის ტბა მოცულობით ყველაზე დიდი ტბაა საქართველოში, თუმცა მიუხედავად სიდიდისა, მისი სიღრმე 3 მეტრია. ტბა ყოველ ნახვაზე განსხვავებული სილამაზითა და სიდიადით მხვდება: გაზახფულის ბოლოს სიმწვანეშია ჩაფლული და ნაპირს ისე ეხეთქება, რომ ზღვას ჰგავს, ზამთარში კი თოვლშია ჩაწოლილი და იყინება. გაშლილი სივრცის მოყვარული ადამიანისთვის ზღაპარია აქაური ბუნება. ზამთრის ფარავანი პირველად ვნახე. გაყინული ტბა დათოვლილ ჰორიზონტს, თავად ჰორიზონტი კი ცას უერთდება და გგონია, რომ ყველაფერი ერთი სრული მთლიანობაა. ტბა ფერს ამინდისა და სეზონის მიხედვით იცვლის, რაც საოცრად შთამბეჭდავია. მანქანით 20წუთის გზაზე საღამოს ტბაა, სადაც ლამაზი მზის ჩასვლით შეგიძლიათ დატკბეთ, ხოლო 1 საათის გზაზეა მადათაფის აღკვეთილი, სადაც გადაფრენის სეზონზე უამრავი ფრინველი იყრის თავს. კითხვაზე: სად გავატაროთ ერთი დღე/შაბათ-კვირა თბილისთან ახლოს, პასუხი ვიდეოშია. ჩემს საყვარელ მარადმწვანე სეზონზე, გაზაფხულის ბოლოს, ისევ ვესტუმრები ფარავანს. ვისაც არ გინახავთ, გირჩევთ, არ ინანებთ.
📍სამცხე-ჯავახეთი, სამხრეთ საქართველო
📍Samtskhe-Javakheti, southern Georgia

For more:
Instagram: Georgianadventurer