Скачать или смотреть Эртний Монгол дээл

2025 оны 6 сарын 21-22-ний өдрүүдэд Архангай аймгийн Хашаат сумын нутагт эртний нийслэл Хархорумаас холгүй "Амгалан дэлхийн төлөө" уриан дор "Тэнгэр шүтлэгтний олон улсын наадам" амжилттай зохиогдлоо. Тус наадмын эхний өдөр "Этүгэн" нэрийн эртний Монгол дээлийн загварын үзүүлбэр зохиогдсоныг та бүхэндээ толилуулж байна.

Энэхүү дээлүүд нь Хамаг Монголын Эзэнт улсын ур дүйн ухаан урлалын онцлог судар номд дурдагдсан, Онгод Дээдсүүдийн бидэнд хэлж өвлүүлсэн дээлүүд болно. Зарим нэг дээл тодруулбал Урианхай загварын дээл бол өнөөдөр бидэнд өвлөгдөж ирэлгүй устсан байдаг. Энд гарсан дээлүүдийг Гэрлийн Өргөөний Улаач Норжмаа тэргүүлэн урлаж бусад улаач нар чимэг гоёлд хамжин дэмнэж бүтээсэн бөлгөө. Загварт алхсан хүмүүс бүгд мэргэжлийн бус бөгөөд Гэрлийн Өргөөний маань улаач нар юм. Тоног төхөөрөмж, хүн хүч хүрэлцээгүйн улмаас бичлэг маань тааруухан байгаад мөн ээ хүлцэл өчье.

Та бүхэн таалан болгооно уу.