Скачать или смотреть အစ္စရေးရဲ့ တိုက်ခိုက်မှုကြောင့် အီရန်မှာ နျူကလီးယား ကပ်ဘေးတွေ ဖြစ်လာနိုင်လား | People's Spring

အစ္စရေးရဲ့ တိုက်ခိုက်မှုကြောင့် အီရန်မှာ နျူကလီးယား ကပ်ဘေးတွေ ဖြစ်လာနိုင်လား

ဇွန် - ၂၁ ၊ ၂၀၂၅

လက်ရှိဖြစ်ပွားနေတဲ့ စစ်ပွဲမှာ အစ္စရေးက အီရန်ရဲ့ နျူကလီးယား နည်းပညာဆိုင်ရာ အဆောက်အအုံတွေကို လေကြောင်းကနေ အပြင်းအထန် တိုက်ခိုက်နေတာ သိထားပြီးသားဖြစ်မှာပါ ။ အဲဒီတိုက်ခိုက်မှုတွေကြောင့် အရှေ့အလယ်ပိုင်းဒေသမှာ နျူကလီးယား ကပ်ဘေးကြီး ဖြစ်လာမလားဆိုတဲ့ မေးခွန်းတွေထွက်နေသလို စိုးရိမ်ပူပန်မှုတွေလည်းရှိနေပါတယ်။

ပြီးခဲ့တဲ့ ကာလတွေမှာ ဂျပန်ရဲ့ ဖူကူရှီးမားနဲ့ ယူကရိန်းရဲ့ ချာနိုဘိုင်းလ် နျူကလီးယား ဓာတ်အားပေးစက်ရုံတွေမှာ ဖြစ်ပွားခဲ့တဲ့ ရေဒီယို သတ္တိကြွ ယိုစိမ့်မှုကြောင့် နျူကလီးယား ကပ်ဘေးကြုံခဲ့ရတဲ့ ခါးသီးတဲ့အတွေ့အကြုံတွေ ကိုလူသားတွေရင်ဆိုင်ခဲ့ရပါတယ်။

ဒါကြောင့် ရုရှားနဲ့ ယူကရိန်း စစ်ပွဲမှာ ဆိုရင်လည်း ရုရှားထိန်းချုပ်ထားတဲ့ ယူကရိန်းပိုင် ဇာပေါ့ရစ်ဇီရာ ဓာတ်ပေါင်းဖိုကြီးနားမှာ ပစ်ကြခတ်ကြတုန်းက အပြည်ပြည်ဆိုင်ရာ အဏုမြူစွမ်းအင် အေဂျင်စီ (IAEA)က ကပ်ဘေးဖြစ်နိုင်တယ်လို့ နှစ်ဖက်လုံးကို အရေးတကြီး သတိပေးခဲ့ရဖူးပါတယ်။

အခုတကြိမ်မှာလည်း အီရန်ရဲ့ နျူကလီးယား နည်းပညာဆိုင်ရာ အဆောက်အအုံတွေ ကို အစ္စရေးက ပစ်မှတ်ထားတိုက်ခိုက်မှုတွေကြောင့် နျူကလီးယား ကပ်ဘေးကြုံရဦးမလားဆိုတဲ့ မေးခွန်းအတွက် နိုင်ငံတကာသတင်းမီဒီယာကြီးတွေရဲ့ရေးသားဖော်ပြချက်တွေကို ဒီတစ်ပတ်ရဲ့ " ပြောပြဦးမယ်" အစီအစဉ် မှာ စုစည်းတင်ဆက်ပေးလိုက်ပါတယ်။

#ludunwayoo #လူထုနွေဦး #NewsUpdate

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 -   / ludunwayoo  
𝗧𝗲𝗹𝗲𝗴𝗿𝗮𝗺 - https://t.me/peoplespring