Скачать или смотреть Belajar Membaca Alkitab Injil Yohanes (Bahasa Karo) "Johanes

13 Kenca Wari Raya Paskah kalak Jahudi nggo ndeher, lawes Jesus ku Jerusalem.
14 I bas Rumah Pertoton IdapetiNa kalak erbinaga lembu, biri-biri ras nderapati. Lit pe i je kalak kundul si dahinna nukari duit.
15 Jesus erbahan cambuk si idandan i bas nali nari. Alu e IligasiNa gelah ndarat asuh-asuhen e kerina i bas Rumah Peroton nari: subuk lembu, biri-biri. ItunggalingkenNa meja-meja kalak si nukari duit, seh maka merap duitna e kerina.
16 Man kalak si erbinaga nderapati nina Jesus, "Angkat ndarat barang-barangndu e! Ola bahan rumah BapangKu jadi ingan erbinaga!"
17 Perbahan si e inget ajar-ajar maka lit tersurat i bas Pustaka Si Badia, "O Dibata, keleng-ateKu nandangi RumahNdu, ngutkut desken api."
18 Jenari kalak Jahudi si erkuasa ngelawan Jesus nina, "Tanda sengget kai banci IbahanNdu guna nuduhken man kami maka lit HakNdu erbahan si enda kerina?"
19 Erjabap Jesus, "Runtuhkenlah rumah Dibata enda, maka i bas telu wari Kupajekken ka mulihi."
20 Ngaloi kalak e, "IpajekkenNdu AteNdu mulihi i bas telu wari? La mungkin, sabap empat pulu enem tahun nai dekahna majekken Rumah Dibata enda!"
21 Tapi Rumah Dibata si ikataken Jesus, e me KulaNa.
22 Emaka kenca Jesus nggeluh mulihi, iinget ajar-ajar kai si IkatakenNa enda; janah tek ajar-ajar e kai si isuratken i bas Pustaka Si Badia bage pe kai si nggo ikataken Jesus.