Скачать или смотреть AIDWA: ‘విద్వేషం’పై పోరాడుదాం ఐద్వా బహిరంగసభలో తీస్తా సెతల్వాద్‌ పిలుపు

ప్రజలను చీల్చడమే లక్ష్యంగా విద్వేష విషం చిమ్మే శక్తులపై ఐక్యంగా పోరాడాలని ప్రముఖ సామాజిక వేత్త, హక్కుల కార్యకర్త తీస్తా సెతల్వాద్‌ పిలుపునిచ్చారు. మూడు రోజుల పాటు జరగనున్న అఖిల భారత ప్రజాతంత్ర మహిళా సంఘం (ఐద్వా) 16వ రాష్ట్ర మహాసభ సోమవారం అనంతపురంలో ఘనంగా ప్రారంభమైంది. ఈ సందర్భంగా లలిత కళాపరిషత్‌ హాలులో జరిగిన బహిరంగ సభకు ఐద్వా రాష్ట్ర అధ్యక్షులు ప్రభావతి అధ్యక్షత వహించారు. ఈ సభలో తీస్తా సెతల్వాద్‌ మాట్లాడుతూ అన్ని రకాల విద్వేష శక్తుల పట్ల అప్రమత్తంగా ఉండాలని అన్నారు. అంతకుముందు నగరంలోని ఆర్ట్స్‌ కళాశాల మైదానం నుంచి టవర్‌ క్లాక్‌ మీదుగా సప్తగిరి సర్కిల్‌ వరకు భారీ ర్యాలీ నిర్వహించారు. స్ఫూర్తిదాయకులైన మహిళా నేతల చిత్రపటాలను, 16వ మహాసభ సూచకంగా 16 పెద్ద జెండాలను చేతపట్టి కార్యకర్తలు ముందుకు కదిలారు. వేలాది మంది మహిళలు ఐద్వా పతాకాలతో ఈ ర్యాలీలో పాల్గొన్నారు. ర్యాలీ ముందు భాగాన నిర్వహించిన ఉరుము కళాకారుల నృత్య ప్రదర్శనలు, కోలాటాలు అందరినీ ఆకట్టుకున్నాయి. అనంతరం జరిగిన సభలో ప్రసంగించిన తీస్తా సెతల్వాద్‌ దేశంలోని వివిధ ప్రాంతాల్లోనూ, చివరకు సోషల్‌ మీడియాలోనూ చెలరేగి పోతున్న విద్వేష శక్తుల పట్ల ఆందోళన వ్యక్తం చేశారు. వీటికి మహిళాసంఘాలు ఉద్యమించాలని అన్నారు. అప్ఘనిస్తాన్‌లో తాలిబన్‌ ప్రభుత్వ నిర్బంధానికి వ్యతిరేకంగా అక్కడి మహిళలు హక్కుల కోసం పోరాడుతుంటే, భారత ప్రభుత్వం తాలిబన్‌ నాయకులను ఆహ్వానించి పెద్దపీట వేయడం సిగ్గుచేటని చెప్పారు. తాలిబన్లు నిర్వహించిన మీడియా సమావేశానికి మహిళా జర్నలిస్టులకు అవకాశం లేకుండా చేయడం విచాకరమని అన్నారు.. ఐద్వా జాతీయ అధ్యక్షులు పికె శ్రీమతి టీచర్‌ మాట్లాడుతూ 76 ఏళ్ల స్వాతంత్రం అనంతరం కూడా ఇప్పటికీ సమానత్వం కోసం మహిళలు పోరాడాల్సిన పరిస్థితులు దేశంలో ఉండడం విచారకరమన్నారు. దేశంలో మహిళలపై హింస విపరీతంగా పెరుగుతోందని, ప్రతి 15 నిమిషాలకు ఒక అత్యాచారం జరుగుతోందని ఆందోళన వ్యక్తం చేశారు. సనాతనం పేరుతో ఆర్‌ఎస్‌ఎస్‌, బిజెపి… మహిళల హక్కులను హరించి వేస్తున్నాయన్నారు. కేరళలోని ఎల్‌డిఎఫ్‌ ప్రభుత్వం మహిళాభివృద్ధికి ప్రాధాన్యతనిస్తోందని తెలిపారు. ఆ రాష్ట్రంలో బాలిక విద్యను ప్రోత్సహించడమే కాకుండా మహిళలు ఆర్థికంగా ఎదగడానికి అవసరమైన నిధులను కేటాయిస్తున్నారని వివరించారు సమానత్వం, మహిళా హక్కుల కోసం దేశ వ్యాప్తంగా ఐద్వా సాగిస్తోన్న పోరాటంలో అందరూ భాగస్వాములవ్వాలని పిలుపునిచ్చారు. ఐద్వా జాతీయ ప్రధాన కార్యదర్శి మరియం ధావలే మాట్లాడుతూ ఆంధ్రప్రదేశ్‌ ముఖ్యమంత్రి చంద్రబాబునాయుడు, బీహార్‌ ముఖ్యమంత్రి నితీష్‌కుమార్‌ మద్దతుతోనే కేంద్రంలో బిజెపి ప్రభుత్వం అధికారంలో ఉందన్నారు. అయినా, ఈ ఇద్దరూ కేంద్రం అనుసరిస్తోన్న ప్రజా వ్యతిరేక విధానాలను ప్రశ్నించడం లేదని, ఆహార, ఉపాధి భద్రత కోసం నిధులు అడగలేదని వివరించారు. ఉపాధి హామీ నిధులు నెలల తరబడి పెండింగ్‌లో ఉన్నాయన్నారు. విద్వేషాగ్ని రగిల్చి ప్రజల మధ్య చిచ్చుపెట్టి అసలు సమస్యల నుంచి ప్రజల దృష్టి మరల్చే ప్రయత్నం కేంద్ర ప్రభుత్వం చేస్తోందని విమర్శించారు. ఐద్వా జాతీయ కోశాధికారి ఎస్‌.పుణ్యవతి మాట్లాడుతూ అనంతపురం జిల్లా ఉద్యమాలకే కాకుండా సామాజిక పురోగతికీ పెట్టింది పేరన్నారు. యోగి వేమన, పోతులూరి వీరబ్రహ్మం లాంటి వారు రాయలసీమ జిల్లాల నుంచే వచ్చారని వివరించారు. ఐద్వా తొలి మహాసభకు అనంతపురం జిల్లా నుంచి నలుగురు సభ్యులు హాజరయ్యారని గుర్తు చేశారు. బిజెపి, ఆర్‌ఎస్‌ఎస్‌ మనువాద విధానాలకు వ్యతిరేకంగా కలసికట్టుగా పోరాడాలని పిలుపునిచ్చారు. ఐద్వా రాష్ట్ర అధ్యక్షులు ప్రభావతి, కార్యదర్శి రమాదేవి, కోశాధికారి సావిత్రి, మహాసభ ఆహ్వాన సంఘం అధ్యక్షులు పద్మజ, వికె పద్మ తదితరులు పాల్గొన్నారు. This Channel about Voice of common people to spread over the world. All videos are about #AndhraPradesh #FirstVoiceofAP

కొత్త కొత్త వీడియోస్ కోసం మా FIRST VOICE OF AP యూట్యూబ్ ఛానల్ ని సబ్స్క్రయిబ్ చేయండి, మరియు నోటిఫికేషన్ కోసం పక్కనున్న గంటను 🔔 క్లిక్ చేయండి.
---------------*----------------*----------------*----------------
Like 👍 , comment, share and Subscribe to your FIRST VOICE OF AP YouTube Channel...

Follow our social media sites...

Facebook :   / first   VOICE OF AP/
YouTube :    / first   VOICE OF AP/
Twitter :   / first   VOICE OF AP/
------------------------*------------------------*---------------