馬天佑演唱會自爆十年前欠自信整容 ：三年前頂唔順去醫院做清拆手術(

時裝指導及歌手馬天佑（Mayao）昨晚舉行入行以來首個演唱會《Reinvention馬天佑衫。重奏》，並邀請了陳慧珊、關心妍、何嘉莉、張新悅、趙頌茹及谷祖琳參與演出。今次演唱會以「衫」為主題，用華麗的服飾去「重奏」特別揀選的舊歌，對於80、90後聽廣東歌的樂迷來說，應該會有點親切感，而所有買飛入場的觀眾，Mayao都送上特別版NFT 閃卡作為紀念，可見心思。

外界一直對Mayao可能了解不深，只知他是時裝指導，近年才開始涉足樂壇，故趁今次個唱，他拍了一條自白黑白短片，片中承認十年前因欠缺自信而走去整容，開刀位置是鼻及下巴，他說：「其實今次個唱叫《Reinvention》，自己對呢隻字都好有感觸，主要原因係細個時候好冇自信，一直覺得好需要證明自己畀呢個世界睇，所以我係極度之冇自信，我人生亦做過一件最冇自信嘅事情，就係喺十年前去咗整容，當其時整咗個鼻同下巴，覺得好似做咗呢件事後就會俾個世界認同，得到更多嘅認同。」

整容後，並沒為 Mayao提升自信，亦沒有為他帶來快樂，反而令他更痛苦，不能面對自己。結果三年前他到醫院做拆清手術，他說：「整容之後，我一望到自己，就會提醒返嗰個好冇自信嘅我，嗰段時間係好唔舒服。去到三年前，我真係頂唔順，唔想見到嗰個自己，就去咗養和醫院做咗一個清拆嘅手術，你放入去都唔緊要，拆係一個好大嘅手術，醫生都叫我考慮清楚，不過我好堅決，I just want it off，因為我覺得而家嘅我，係有足夠嘅自信，唔需要為咗個世界去證明任何事情。」相信今時今日的Mayao，更勝從前，因為從了解自己，真正建立自信......

請支持訂閱《娛壹》閱讀全文︰  / 58367640  

#馬天佑 #Mayao #Reinvention #整容 #娛壹

------------------------------------------
即刻跟住Follow 晒我哋Channel：
FB： http://fb.me/as1hk.entertainment
IG：   / as1.entertainment  
YT：    / @as1.entertainment