足本訪問丨MIRROR兩成員Jer柳應廷 & Jeremy李駿傑獲日本著名音樂頻道THE FIRST TAKE邀請一鏡到尾合唱《人類群星閃耀時》丨Jer有成就解鎖感覺 Jeremy花心機唱好丨田木集作

足本訪問丨MIRROR兩成員Jer柳應廷 & Jeremy李駿傑獲日本著名音樂頻道THE FIRST TAKE邀請一鏡到尾合唱《人類群星閃耀時》丨Jer有成就解鎖感覺 Jeremy花心機唱好丨田木集作

MIRROR兩個「金Jer」、柳應廷（Jer）及李駿傑（Jeremy），最近應日本著名音樂頻道THE FIRST TAKE（TFT）的邀請，以一鏡到尾的方式拍攝一次性演出，合唱Jer的《人類群星閃耀時》；兩人是繼陳柏宇後，第二個香港歌手單位在TFT頻道演唱。

談到今次在TFT演出，Jer與Jeremy表示至今仍十分激動、興奮又回味，Jeremy表示：「因為喺外國平台做呢件事，又係《人類群星閃耀時》呢首咁難唱嘅歌，所以激動得嚟又好緊張。」連原唱的Jer也認同：「TFT呢個平台係對歌手嘅肯定，上得去都係有番咁上下唱功同實力。平時上開網睇，有好多都係自己平時會聽開嘅歌手，所以上到去係榮幸，仲要係自己歌，覺得係成就解鎖。」

為了這次的二人合唱版本，Jer和Jeremy及團隊在編曲及和音部分都作出新安排，Jer說：「今次編曲偏向簡單同清澈，好似攞走一啲調味料，將一道最原始嘅菜式畀樂迷品嚐。另外，今次都係對唱功嘅考試，因為咁簡潔嘅編曲，歌手要控制嘅Technique就更多。」Jeremy更說：「真係好似考試，花姐（MIRROR經理人）都話似等緊啲仔考完試放學嘅心情。」

Jer續說：「因為得一take唔可以出錯，我哋事前練習、再跟老師上堂練歌，之前一晚亦喺房裡面練到1、2點，係咁唱。到真正入到錄音室開始，見到平時TFT嘅製作場景，即刻心跳加速，但錄音嗰一take係最有feel最有感覺最有情緒。」兩人對今次演出十分難忘，Jer謂：「通常喺香港嘅舞台，有觀眾有燈牌一齊大合唱，但今次冇觀眾，要掉晒情緒出嚟係第一次，要透過鏡頭去感染觀眾，加上第一次喺海外唱呢首歌，真係好難忘。」

==================================
📌 支持「田木集作」詳盡內容請瀏覽影片
📌睇片後可以按Super Thanks❤️ 支持「田木集作」
==================================
田木集作丨娛樂丨專訪丨專題丨飲食丨生活丨資訊
❣️行動撐我們 ❣️請即訂閱YouTube頻道
https://bit.ly/3QyUeTn
==================================
#MIRROR #柳應廷 #jer #李駿傑 #jeremy #thefirsttake #TFT #音樂頻道 #youtube #日本 #人類群星閃耀時 #田木集作 #touchwoodtv