Скачать или смотреть Karkala Parashurama prathime lokarpane | ಶಂಖಾನಾದದೊಂದಿಗೆ ತುಳುನಾಡ ಸೃಷ್ಟಿಕರ್ತ ಪರಶುರಾಮರ ಪ್ರತಿಮೆಯ ಅನಾವರಣ🐚

अग्रत: चतुरो वेदा: पृष्ठत: सशरं धनु:
इदं ब्राह्मं इदं क्षात्रं शापादपि शरादपि

ಅರ್ಥಾತ್:
ಶಸ್ತ್ರ ಮತ್ತು ಶಾಸ್ತ್ರ ಒಟ್ಟೊಟ್ಟಿಗೆ ಹೋಗುವ ಪರಶುರಾಮ ರ ಪರಿ

ಮೊದಲಿಗೆ/ಮುಂದೆ ಚತುರ್ವೇದಗಳು ,ನಂತರ/ಹಿಂದೆ ಧನಸ್ಸು.
ಇದೆ ಬ್ರಹ್ಮ ತೇಜಸ್ಸಿಂದ ಶಪಿಸಲೂ ಸಿದ್ಧ ಇಲ್ಲವಾದರೆ ಕ್ಷಾತ್ರ ತೇಜಸಿಂದ ಮಣಿಸಲು ಸಿದ್ಧ

🚩🚩🚩🚩🚩🚩🚩

ಪರಶುರಾಮ ಥೀಮ್ ಪಾರ್ಕ್ ನ ವಾಸ್ತುವಿನ್ಯಾಸಕಾರ ಸಂಪ್ರೀತ್ ರಾವ್ ಅಭಿನಂದನಾರ್ಹರು.
ಉಡುಪಿ ಜಿಲ್ಲೆಯ ಕಾರ್ಕಳ ತಾಲೂಕಿನ ನೀರೆ ಬೈಲೂರಿನಲ್ಲಿ ಸಮುದ್ರ ಮಟ್ಟದಿಂದ ಸುಮಾರು ಐನೂರು ಮೀಟರ್ ಎತ್ತರ ಇರುವ ಬೃಹತ್ ಬಂಡೆಯ ಮೇಲೆ ಅತ್ಯಪೂರ್ವ ವಾದ ಶ್ರೀ ಪರಶುರಾಮನ ಹದಿನೈದು ಟನ್ ತೂಕದ ಕಂಚಿನ ಬೃಹತ್ ಪ್ರತಿಮೆ ಸಹಿತ ಥೀಮ್ ಪಾರ್ಕ್ ನಿರ್ಮಾಣಪೂರ್ಣಗೊಂಡು ಜನವರಿ 27 ರಂದು ಮಾನ್ಯ ಮುಖ್ಯಮಂತ್ರಿಗಳಿಂದ ಲೋಕಾರ್ಪಣೆಗೊಂಡಿದೆಯಷ್ಟೆ.
ನಾಡಿಗೆ ನಾಡೇ ಈ ಕಡೆ ಒಮ್ಮೆ ತಿರುಗಿ ನೋಡುವಷ್ಟು ಆಕರ್ಷಕವಾಗಿ , ಅತ್ಯಲ್ಪ ಅವಧಿಯಲ್ಲಿ ರಾಜ್ಯದ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಹಾಗುಹ ಪ್ರವಾಸೋದ್ಯಮ‌ ಇಲಾಖೆಗಳ ಸಹಯೋಗದಲ್ಲಿ ಇದರ ನಿರ್ಮಾಣವಾಗಿರುವುದು ಸಮಸ್ತ ಕರಾವಳಿಗಂತೂ ಅತ್ಯಂತ ಹೆಮ್ಮೆಯ ಸಂಗತಿ .

ಇಂಥಹ ಅದ್ಭುತ ಕಲ್ಪನೆಯನ್ನು ಸಾಕಾರಗೊಳಿಸಿ ಇತಿಹಾಸ ನಿರ್ಮಿಸಿದ ಕೀರ್ತಿ , ಶ್ರೇಯಸ್ಸು ನಿಸ್ಸಂಶಯವಾಗಿ ಇದರ ರೂವಾರಿ ಕಾರ್ಕಳದ ಯುವ , ಜನಪ್ರಿಯ ಶಾಸಕ ಮಾನ್ಯ ಇಂಧನ ಮತ್ತು ಕನ್ನಡ - ಸಂಸ್ಕೃತಿ ಇಲಾಖೆಗಳ ಮಂತ್ರಿ ಶ್ರೀ ವಿ ಸುನಿಲ್ ಕುಮಾರ್ ಗೆ ಸಲ್ಲಬೇಕು .ಕರಾವಳಿಯ ಪ್ರವಾಸೋದ್ಯಮಕ್ಕೆ ಪುನಶ್ಚೇತನ ನೀಡುವ ಅಮೂಲ್ಯ ಕೊಡುಗೆಯಾಗಿ ಈ ಥೀಮ್ ಪಾರ್ಕ್ ಮೂಡಿಬಂದಿದೆ.

ಸುನಿಲ್ ಜೀ ಜೊತೆಗೆ ಇದರ ನಿರ್ಮಾಣದ ಹೊಣೆ ಹೊತ್ತು ಅತ್ಯಂತ ಸುಂದರವಾಗಿ ನಿರ್ಮಿಸಿದ ನಿರ್ಮಿತಿ ಸಂಸ್ಥೆಯೂ ಮತ್ತು ಅದರ ಯೋಜನಾ ನಿರ್ದೇಶಕ ಶ್ರೀ ಅರುಣ್ ಮತ್ತವರ ತಂಡದ ಅಹರ್ನಿಶಿ ಪರಿಶ್ರಮವೂ ಅಭಿನಂದನೀಯ.

ಅದೇ ರೀತಿ ಈ ಒಂದು ಸುಂದರ ಯೋಜನೆಗೆ ಅತ್ಯಂತ ಸುಂದರ ಮತ್ತು ಅತ್ಯಾಕರ್ಷಕವಾದ ವಾಸ್ತು ವಿನ್ಯಾಸ ಸಿದ್ಧಗೊಳಿಸಿದ ಹೆಬ್ರಿಯ ಯುವ ಆರ್ಕಿಟೆಕ್ಟ್ ಶ್ರೀ ಸಂಪ್ರೀತ್ ಅವರನ್ನೂ ಅತ್ಯಂತ ಹೆಮ್ಮೆಯಿಂದ ಅಭಿನಂದಿಸಬೇಕು. ಕರಾವಳಿಯ ಪ್ರೇಕ್ಷಣೀಯ ಸ್ಥಳವಾಗಿ ಬಹಕಾಲ ಕೋಟ್ಯಂತರ ಜನರನ್ನು ಆಕರ್ಷಿಸಬಹುದಾದ ಈ ಅಪೂರ್ವವಾದ ಪರಶುರಾಮ‌ವಿಗ್ರಹ ಮತ್ತು ಥೀಮ್ ಪಾರ್ಕ್ ನ‌ ವಾಸ್ತು ವಿನ್ಯಾಸವೇ ಅದ್ಭುತವಾಗಿದೆ .ಇದರಲ್ಲಿ ಶ್ರೀ ಸಂಪ್ರೀತ್ ರಾವ್ ಅವರ ಇಂಜಿನಿಯರ್ ಕಮ್ ಕಲ್ಚರಲ್ ಮೈಂಡ್ ಪರಿಶ್ರಮಪೂರ್ವಕವಾದ ಕೆಲಸಮಾಡಿದೆ . ಒಂದು ವಿಶೇಷವಾದ ಸಾಂಸ್ಕೃತಿಕ ಸಂವೇದನೆಯುಳ್ಳವರಿಂದ ಮಾತ್ರ ಇಂಥಹ ಸುಂದರ ವಾಸ್ತು ವಿನ್ಯಾಸಗಳು ಮೂಡಿಬರುತ್ತವೆ . ಆ ವಿಷಯದಲ್ಲಿ ಸಂಪ್ರೀತ್ ರಾವ್ ಇತ್ತೀಚಿನ ದಿನಗಳಲ್ಲಿ ಗಮನಸೆಳೆಯುತ್ತಿದ್ದಾರೆ .ಕರಾವಳಿಯದ್ದೇ ಎನ್ನಬಹುದಾದ ವಾಸ್ತು ಪರಿಕಲ್ಪನೆಗಳಿಗೆ ಒಂದಷ್ಟು ಆಧುನಿಕ‌ ಸ್ಪರ್ಶವನ್ನು ನೀಡಿ ಇತ್ತೀಚಿನ ವರ್ಷಗಳಲ್ಲಿ ಅನೇಕ ಕಟ್ಟಡಗಳ ವಾಸ್ತುವಿನ್ಯಾಸಗೊಳಿಸಿದ್ದಾರೆ.* .
ಹೆಬ್ರಿಯವರಾದ ಸಂಪ್ರೀತ್ ನೆರಳು ಡಿಸೈನ್ ಸ್ಟುಡಿಯೋ ಎನ್ನುವ ಸಂಸ್ಥೆಯನ್ನು ನಡೆಸುತ್ತಿದ್ದು ನಿರ್ಮಿತಿ ಸಂಸ್ಥೆಯು ನಿರ್ಮಿಸುವ ಅನೇಕ ನಿರ್ಮಾಣಗಳಿಗೆ ವಿನ್ಯಾಸವನ್ನು ಸದ್ದಿಲ್ಲದೇ ಸಿದ್ಧಪಡಿಸುತ್ತಿದ್ದಾರೆ.

ಪರಶುರಾಮ‌ ಥೀಮ್ ಪಾರ್ಕನ್ನೂ ಅಷ್ಟೇ ನಾಜೂಕಿನಿಂದ ವಿನ್ಯಾಸಗೊಳಿಸಿ ಸುನಿಲ್ ಜೀ ಅವರ ಕನಸನ್ನು ಅರ್ಥಪೂರ್ಣ ಮತ್ತು ಆಕರ್ಷಕವಾಗಿ ಸಾಕಾರಗೊಳಿಸುವಲ್ಲಿ ಮಹತ್ವದ ಪಾತ್ರ ನಿರ್ವಹಿಸಿದ ಶ್ರೀ ಸಂಪ್ರೀತ್ ರಾವ್ ಇವರಿಗೆ ನಾಡಿನ ಜನತೆ ಒಂದು "ಹ್ಯಾಟ್ಸಾಫ್" ಹೇಳೋಣ . 👌👍🤝💐🙏
*ಅದರ ಜೊತೆಗೆ ಅದ್ಭುತವಾದ ಪರಶುರಾಮ ವಿಗ್ರಹ ಮತ್ತು ಪರಶುರಾಮರ ಜೀವನ ವೃತ್ತಾಂತದ ಸುಂದರ ಉಬ್ಬುಚಿತ್ರಗಳ ರಚನೆಯಲ್ಲಿ ಕಲಾವಿದ ಪುರುಷೋತ್ತಮ ಅಡ್ವೆಯವರ ಕೈಚಳಕ ಮತ್ತು ಕಲಾಕೌಶಲ್ಯವೂ ಅತ್ಯಂತ ಶ್ಲಾಘನೀಯವಾದುದು .‌ಅವರಿಗೂ ಅಭಿನಂದನೆಗಳು .*🙏💐

✍️ ಜಿ ವಾಸುದೇವ ಭಟ್ ಪೆರಂಪಳ್ಳಿ