Trampga o'q uzilishi tahlil qilinmoqda

Ekspertlarga ko'ra, AQShning sobiq rahbari Donald Tramp saylovchilar bilan uchrashuv o'tkazayotgan zona atrofida ehtimoliy snayperlar o'q uzishi mumkin bo'lgan butun atrof xavfsizlik xizmati xodimlari tomonidan avvaldan o'rganib chiqilishi va munosib qo'riqlanishi kerak edi. Agar uzilgan o'q 1-2 santimetr chaproqdan kelganida Tramp halok bo'lishi mumkin edi. Ayni damda tergov jarayoni boshlangan. O'q uzgan shaxsni xavfsizlik xizmati shu zahoti otib o'ldirishga muvaffaq bo'lgan. Uning shaxsi hozircha ma'lum qilinmadi. Tadbir ishtirokchilaridan biri halok bo'lgan, ikki nafari og'ir ahvolda. Trampning o'zi ham Pensilvaniyadagi mahalliy shifoxonaga yetkazilgan. Prezident Jo Bayden bayonot bilan chiqib, otishmani qoraladi, Tramp uchun duoda ekanini aytib, hamdardlik bildirdi. Tramp "X" tarmog'ida yozma bayonot berdi: Xavfsizlik xizmatiga minnatdorchilik bildirib, halok bo'lgan shaxs oilasiga ta'ziya izhor qildi.