Скачать или смотреть ЫСЫК-КӨЛГӨ ТААЗИМ — Кутман Садыбакасов | Улуу Мурас #7

Сөзү, Обону: Майра Керим кызыныкы
Аткаруучу: Кутман Садыбакасов

Ыйык‑Көл Касиеттүү энем менин,
Тартпаса тузуң мени, ай, келер бедим.
Тарыхтын санжырасын калчагандай,
Толкунга толуп турат кемерлериң.

Окшошуп көйнөгүнө көгөргөнүң,
Өзүңдүн кызың болчу, ай, энем менин.
Деп айткан кайран энем көз жумарда,
Көлүмдү көрүп барып,
Көлүмдү көрүп барып, неге өлбөдүм?

Чыгардың манасчынын берендерин,
Күүчүнүн сен чыгардың чеберлерин.
Акындан Алыкулга жолдош болуп,
Таптадың поэзия кеменгерин.

Ыйык‑Көл Касиеттүү энем менин,
Түбүңө канча тарых чөгөрбөдүң.
Жанатты, бейишин да сунса пенде,
Мен сенин бир тамчыңа,
Мен сенин бир тамчыңа теңер бедим.

Багымды сен ачпасаң, төгөр бедим,
Энемден көрбөгөндү, ай, сенден көрдүм.
Өмүрлүк жарымды таап өрөөнүңдөн
Сезерсиң көшөгөмдүн көгөргөнүн.

Тузумду түгөтсө Аллам эгер менин
Эл журтум керээзимди элер бедиң
Толкуган толкунуңдун үнүн угуп
Буюрсун жээгиңде,
Буюрсун жээгиңде көмөр жерим

Ыйык‑Көл Касиеттүү энем менин,
Түбүңө канча тарых чөгөрбөдүң.