BRIKS kengayishi mumkin

Prezident Vladimir Putin Sankt-Peterburgda BRIKSga a'zo mamlakatlar vakillarini qabul qildi. Hukumatlararo tuzilgan ushbu tashkilot bugungi kunda nufuzli geosiyosiy kuchga aylangan. Putinning ta'kidlashicha, 34 mamlakat BRIKS faoliyatiga qo'shilish uchun qiziqish bildirgan.

Yevropa Ittifoqiga qo'shilish jarayonlari uzoq va samarasiz davom etgani ortidan NATOga a'zo Turkiya yaqinda BRIKS tarkibiga kirish uchun rasman ariza bergan edi.

Mazkur alyans 2006-yil Braziliya, Rossiya, Hindiston va Xitoy o'rtasida tuzilgan, tashkilotga 2010-yil Janubiy Afrika ham qo'shilgan. BRIKS Eron, Misr, Efiopiya va Birlashgan Arab Amirliklarini ham o'z tarkibiga kiritgan. A'zo mamlakatlar G'arb bilan raqobat muvozanatini yaratish, BMT, Xalqaro valyuta fondi va Jahon Banki faoliyati va tamoyillarini isloh qilish istagi bilan birlashgani aytiladi.