Скачать или смотреть കഅ്ബയെ അലങ്കരിക്കുന്ന കിസ് വ | Kiswa is the cloth that covers the Kaaba | | Hajj Series

കഅ്ബയെ അലങ്കരിക്കുന്ന കിസ് വ

മക്കയില്‍ സ്ഥിതി ചെയ്യുന്ന കഅ്ബ ശരീഫിനെ ആവരണം ചെയ്യാനുപയോഗിക്കുന്ന, ചിത്രങ്ങളാല്‍ സമ്പുഷ്ടമായ, മനോഹരമായ പുടവയാണ് കിസ്‌വ. ഇസ്ലാമിക പാരമ്പര്യമനുസരിച്ച് എല്ലാ വര്‍ഷവും ദുല്‍ഹിജ്ജ മാസത്തില്‍ കിസ്‌വ നവീകരിക്കപ്പെടാറുണ്ട്. വര്‍ഷംന്തോറും മുടങ്ങാതെ അനുവര്‍ത്തിച്ച് പോരുന്ന ഈ കര്‍മ്മത്തിന് ഇസ്ലാമില്‍ വലിയ പ്രാധാന്യം കല്‍പ്പിക്കപ്പെടുന്നുണ്ട്. ദശലക്ഷക്കണക്കിന് വരുന്ന മുസ്ലീംകളുടെ വിശ്വാസത്തിന്റേയും ആത്മസമര്‍പ്പണത്തിന്റേയും തെളിവാണീ കര്‍മ്മമെന്ന് നിസ്സംശയം പറയാം.

കഅ്ബയെ പൂര്‍ണ്ണമായും മറയ്ക്കുന്ന പുതപ്പെന്നാണ് കിസ്‌വയെന്ന പദത്തിന്റെ ഭാഷാര്‍ഥം. ഉന്നത ഗുണനിലവാരം കാത്തുസൂക്ഷിക്കുന്ന പട്ടില്‍ നിന്നും നെയ്‌തെടുത്ത കിസ് വയില്‍ സ്വര്‍ണ്ണത്തിന്റേയും വെള്ളിയുടേയും നൂലുകളില്‍ പരിശുദ്ധ ഖുര്‍ആന്‍ സൂക്തങ്ങള്‍ ആലേഖനം ചെയ്യപ്പെട്ടിട്ടുണ്ട്. 658 ചതുരശ്ര മീറ്റര്‍ വിസ്താരത്തില്‍ വ്യാപിച്ച് കിടക്കുന്ന കിസ് വയുടെ നിര്‍മ്മാണം, 137 തൊഴിലാളികള്‍ എട്ടു മാസക്കാലയളവ് കൊണ്ടാണ് പൂര്‍ത്തീകരിക്കാറുള്ളത്. 670 കിലോഗ്രാം ഭാരംവരുന്ന ഈ ആവരണത്തില്‍ 15കിലോഗ്രാം സ്വര്‍ണ്ണ നൂല്‍ അടങ്ങിയിട്ടുണ്ടത്രേ. മുസ്ലിം സംസ്‌കാരത്തില്‍ ഏറെ പ്രാധ്യാനമര്‍ഹിക്കുന്ന കിസ് വ കഅബയുടെ ദിവ്യത്വത്തിന്റേയും ആദരവിന്റേയും പ്രതീകമാണ്.

കിസ് വയുടെ പ്രാധാന്യം
ഹജ്ജ് തീര്‍ഥാടനത്തിനിടെ അനവധി വിശ്വാസികളാണ് ഇസ്ലാമിക ലോകത്തിന്റെ കേന്ദ്രമായി ഗണിക്കപ്പെടുന്ന കഅ്ബ സന്ദര്‍ശിക്കുന്നത്. നിര്‍മ്മാണാനന്തരം നിരവധി അവസരങ്ങളില്‍ തകര്‍ക്കപ്പെടുകയും പുനര്‍നിര്‍മ്മിക്കപ്പെടുകയും ചെയ്ത കഅ്ബ ഇന്നും ആദരണീയ ഭവനമായി നിലകൊള്ളുന്നു. ഏറെ മഹത്വം കല്‍പ്പിക്കപ്പെടുന്ന കഅ്ബയെ അനാവരണം ചെയ്യുന്നുവെന്ന കാരണത്താല്‍ കിസ് വയും സാര്‍ഥകമാണ്.

പഴയതിന് മുകളിലായി പുതിയ കിസ് വകള്‍ സ്ഥാനം പിടിക്കാറായിരുന്നു ആദ്യ കാലങ്ങളിലുള്ള പതിവ്. എന്നാല്‍ കാലക്രമേണ ഇത് മാറിവന്നു. നിലവിലെ ആചാരമനുസരിച്ച് കാലപ്പഴക്കം സംഭവിച്ച കിസ് വകളിലെ ഖുര്‍ആന്‍ സൂക്തങ്ങള്‍ അടങ്ങിയിട്ടുള്ള ഭാഗങ്ങള്‍ വിവിധ സംഘടനകള്‍ക്കും സന്ദര്‍ശനത്തിനെത്തുന്ന വിശിഷ്ടവ്യക്തികള്‍ക്കും കൈമാറപ്പെടുന്നുണ്ട്.

കിസ്‌വാ ചരിതം
കിസ് വ അലങ്കരിക്കാതെ നിലകൊണ്ട കഅബയുടെ തുടക്ക കാലം മുതല്‍ ഇന്ന് വരെയുള്ള ചരിത്രം ഏറെ ദൈര്‍ഘ്യമേറിയതും സങ്കീര്‍ണ്ണവുമാണ്.

ഹിംയര്‍ രാജവംശത്തിലെ തുബ്ബ അബു കറാബ് അസദിന്റെ ഭരണകാലം വരെ കഅബയില്‍ കിസ് വ പുതപ്പിക്കപ്പെട്ടിട്ടില്ലെന്നാണ് അധിക മുസ്ലിംകളും വിശ്വസിക്കുന്നത്. ചരിത്രത്തിലാദ്യമായി കിസ് വ അണിയിച്ച തുബ്ബ രാജാവിന് ശേഷം വന്ന അദ്ദേഹത്തിന്റെ പിന്‍തലമുറ കഅബ ആവരണം ചെയ്യുന്നത് മതധര്‍മ്മമായി കണ്ടു പോന്നു.

മുഹമ്മദ് നബിയുടെ കാലത്തുണ്ടായ മാറ്റങ്ങള്‍
ഖുറൈഷികളുടെ വിലക്ക് കാരണം എ.ഡി 630വരെ മുഹമ്മദ് നബിയും മക്കാമുസ്ലിംകളും കിസ് വ അണിയിക്കുന്നതില്‍ തത്പരരായിരുന്നില്ലെന്ന് വിശ്വസിക്കപ്പെടുന്നു.
മുസ്ലിംകള്‍ മക്ക കീഴടക്കിയ ശേഷവും ഈ പതിവ് തുടര്‍ന്നു. ആരാധനാനുഷ്ടാനങ്ങള്‍ക്കിടെ അവിചാരിതമായി ഒരു സ്ത്രീ കാരണം തീപിടിച്ചതോടെയാണ് പ്രവാചകന്‍ ആദ്യമായി കിസ് വ അണിയിച്ചത്. യമനില്‍ നിന്ന് കൊണ്ടുവന്ന തുണിയായിരുന്നു അന്ന് ഉപയോഗിച്ചത്.

കിസ് വ മറ്റു ഭരണാധികാരികള്‍ക്ക് കീഴില്‍
ഖലീഫമാരുടെ ഭരണകാലത്ത് കിസ് വ ചടങ്ങ് ഭംഗിയായി നടത്തേണ്ടത് രാഷ്ട്രത്തിന്റെ ചുമതലയായിരുന്നു. അക്കാലത്ത് വ്യത്യസ്ത ഡിസൈനുകളില്‍ ലോക ശ്രദ്ധ പിടിച്ച് പറ്റിയ ഈജിപ്തിനായിരുന്നു കിസ് വ രൂപകല്‍പ്പന ചെയ്യേണ്ട ഉത്തരവാദിത്വം.
കിസ് വ നെയ്യുന്നതിനായി ഏറ്റവും മികച്ച ശില്‍പ്പികളെ കണ്ടെത്തുന്നതില്‍ ഉസ്മാനി ഭരണാധികാരികള്‍ അത്യധികം ശ്രദ്ധ ചെലുത്തിയിരുന്നു. അക്കാലത്ത് കറുത്ത പട്ടില്‍ നെയ്‌തെടുത്ത കിസ് വ പിന്നീട് നിറവ്യത്യാസമില്ലാതെ തുടര്‍ന്നുപോന്നു.
ഹിജ്‌റ 160ല്‍ അബ്ബാസി ഭരണാധികാരിയായ അല്‍ മഹ്ദി പഴയ കിസ് വകള്‍ കഅബയില്‍ നിന്ന് നീക്കം ചെയ്ത് ഏക പാളിയുള്ള തുണി വിരിക്കുന്ന ആചാരത്തിന് തുടക്കം കുറിച്ചു.

കിസ് വ നിര്‍മ്മാണം
ഇസ്ലാമിക സംസ്‌കാരത്തില്‍ ഏറെ പ്രാമുഖ്യം നല്‍കപ്പെടുന്ന കിസ് വയുടെ അതിവിദഗ്ധമായ നിര്‍മ്മാണം അഞ്ച് ഘട്ടങ്ങളിലായി ഭാഗിക്കപ്പെട്ടിരിക്കുന്നു.

1.ചായം പൂശല്‍- സോപ്പ് മിശ്രിതമടങ്ങിയ ചൂടു വെള്ളത്തില്‍ 24 മണിക്കൂര്‍ നേരത്തേക്ക് കിസ് വത്തുണി കുതിര്‍ത്തി വെക്കും. പട്ട് വെള്ളനിറത്തിലേക്ക് മാറുന്നതോടെ കറുപ്പ്, ചുവപ്പ്, പച്ച തുടങ്ങിയ നിറങ്ങളാല്‍ ചായം പൂശപ്പെടും.

2.നെയ്ത്ത്- ആദ്യകാലത്ത് മനുഷ്യ കരങ്ങളാല്‍ മാത്രം തുന്നപ്പെട്ടിരുന്ന കിസ് വയില്‍ ഇന്ന് ആവിശ്യത്തിനനുസരിച്ച് യാന്ത്രിക സഹായം തേടാറുണ്ട്.

3.പ്രിന്റിംങ്ങ്- നിര്‍മ്മാണ പ്രക്രിയയുടെ മൂന്നാം ഘട്ടത്തില്‍ കിസ് വയില്‍ പ്രദര്‍ശിതമാകുന്ന ഡിസൈനുകളും കാലിഗ്രഫി എഴുത്തുകളും സസൂക്ഷ്മം പ്രിന്റ് ചെയ്യപ്പെടുന്നു.

4.ചിത്രാലങ്കാരം- കിസ് വ നിര്‍മ്മാണത്തില്‍ ഏറെ സമയം ആവിശ്യപ്പെടുന്നതും ശ്രമകരവുമായ ദൗത്യമാണ് കിസ് വയിലെ ചിത്രാലങ്കാരം. സ്വര്‍ണ്ണത്തിന്റേയും, വെളളിയുടേയും നൂലുകളാല്‍ തുന്നിച്ചേര്‍ക്കപ്പെടുന്ന ഡിസൈനുകളും കാലിഗ്രഫികളും ഈ അവസരത്തിലാണ് അതിന്റെ ഭാഗവാക്കാകുന്നത്.

5.സജ്ജീകരണം- കിസ് വയുടെ അരികുകള്‍ ഏകോപിപ്പിച്ച് കൃത്യ സ്ഥാനങ്ങളില്‍ പ്രതിഷ്ടിക്കുന്ന ഈ പ്രവൃത്തിയാണ് ഏറ്റവും ഒടുവിലത്തേത്.

കിസ് വയെ കുറിച്ചുള്ള യാഥാര്‍ഥ്യങ്ങള്‍
ഓരോ വര്‍ഷവും ചെറു കഷ്ണങ്ങളിലായി മുറിക്കപ്പെടുന്ന കിസ് വയുടെ കഷ്ണങ്ങള്‍ വിശിഷ്ട വ്യക്തികള്‍ക്കായി കൈമാറുന്നതാണ് പതിവ്. അതില്‍ ചിലത് ഹജ്ജ് തീര്‍ഥാടകര്‍ക്കും നല്‍കാറുണ്ടത്രേ.

658 മീറ്റര്‍ നീളത്തിലുള്ള തുണി ഏകദേശം 47 കഷ്ണങ്ങളാല്‍ തുന്നിച്ചേര്‍ക്കപ്പെട്ടതാണ്. ആവിശ്യാനുസരണം പതിനേഴ് മില്യണ്‍ സൗദി റിയാല്‍ വരെ കിസ് വയുടെ വില ഉയര്‍ന്നേക്കാം.

ഈജിപ്ത്, യമന്‍, ഇറാഖ്, ബഗ്ദാദ് തുടങ്ങി വ്യത്യസ്ത പ്രദേശങ്ങളില്‍ നിന്നാണ് കിസ് വയുടെ തുണി ഇറക്കുമതി ചെയ്യപ്പെടുന്നത്.
മുമ്പ് ദുല്‍ഹിജ്ജ പത്തിന് നടക്കാറുള്ള കിസ് വ ചടങ്ങ് ഇപ്പോള്‍ ദുല്‍ഹിജ്ജ ഒമ്പതിനാണ് സംഘടിപ്പിക്കപ്പെടാറുള്ളത്.

Kiswa is the cloth that covers the Kaaba