Bir qotil izidan | Agata Kristi

Mashhur ingliz adibasi Agata Kristi ijodi adabiyot va ayniqsa, detektiv janri shaydolari uchun bitmas-tuganmas xazinaning o‘zginasi. Yozuvchi «Detektiv janrining qirolichasi» nomiga sazovor bo‘lgan. Agata Kristi asarlarining asosiy qahramoni sanalgan izquvar Erkyul Puaro obrazi mashhurlikda Artur Konan Doylning Sherlok Xolmsidan qolishmaydi. «Puaro tergov qiladi», «Kaminlar siri», «Rojer Ekroydning qatl etilishi», «N yoki M?» «Qopqon», «Ayblov guvohi» kabi asarlarida jinoyat nafaqat dalillar asosida, balki qahramonlarning, chunonchi, izquvar Erkyul Puaroning botiniy tuyg‘usi va sezgirligi tufayli ochiladi. Agata Kristi asarlarining katta muvaffaqiyati syujetning qiziqarliligi, yechimning kutilmaganligi, personajlarning yorqinligi bilan izohlanadi. Adibaning 60 ta detektiv romani, 6 ta psixologik romani, 19 ta hikoyalar to‘plami nashr qilingan.