Скачать или смотреть Compassion Нинжин сэтгэл

"Зава лам" Лувсандаян ламын "Нигүүлсэх сэтгэлийн магтаал"-аас

Бурхан, бодисадва, брадика гээд
Булт бүхэн үүдэхийн шалтгаан
Эцэс туйлийн ханьцашгүй ёзоор
Энэрэхүй их сэтгэл таныг магтая.

Хотол чуулсан гэгээрлийн жимсэнд
Хөрөнгө, ус, үр хэрэгтэй мэт
Эхэн, дунд, адаг гуравт хэрэгтэй
Энэрэхүй их сэтгэл таныг магтая.

Эх болсон амьтан буй бүхнийг
Энэлэнт орчлон их бага аюулаас
Эгнэгт аврахыг хүсэх бэлгэ чанартай
Энэрэхүй их сэтгэл таныг магтая.

Амьтан бүхэн адайр мунхагийн эрхээр
Алмай орчлонгийн тээрэмд эргэлдэх
Ахуй орших зовлонг машид болгоох
Амьтанаа зорьсон энэрэхүйг магтъя.

Усны хөөс мэт бодгаль бүхэн
Удаан агшин ч тогтох нь үгүй
Уугуул энэ мөнх бусыг болгоох
Учир шалтгааны номт энэрэхүйг магтая.

Усанд тусах сарны дүрс мэт бодгаль ч
Урган ямарваа үзэгдэвч мөн чанараараа
Угтаа хоосон чанарт хэмээн болгоох
Угаас зоригдошгүйн энэрэхүйг магтая.