Скачать или смотреть තායිලන්න හිමිවරුන්ට ඒ 09 දී සිදුකල සත්කාර !

සියම් උපසම්පදාව පිහිටුවා වසර 270ක් සම්පූර්ණ කිරීම නිමිත්තෙන් තායිලන්ත භික්ෂූන් වහන්සේලා 49 දෙනෙකුගෙන් යුතු පිරිසක් 2023.05.14 දින සිට ත්‍රීකුණාමලය සිට මහනුවර දක්වා පාගමනින් වැඩම කිරිමේ වැඩසටහනේ දඹුල්ල සිට නාඋල දක්වා කොටසේ දී සද්කාරක සේවා සැපයීම පසුගිය දා (20) සිදු කෙරිනි.

ඒ අනුව පස්වරු පහට පමණ බොබැල්ල හා නාඋල කොටසේ දී ප්‍රදේශවාසින් විසින් ගිලන්පස පිළිගැන්වීම සිදුකරන ලදි.
මේ අතර නාඋල ප්‍රාදේශිය සභාවේ කාර්යය මණ්ඩලය විසින් පාගමනින් වැඩම කරනු ලබන තායිලන්න භික්ෂුන් වහන්සේගේ දෙපා ඖෂධ මිශ්‍ර ජලයෙන් සෝදා ගිලන්පස පිළිගැන්වීම සිදුකර ලදි.

අනතුරුව නාඋල ප්‍රාදේශිය ලේකම් කාර්යාලීය කාර්යය මණ්ඩලය හා සෙසු රාජ්ය ආයතන නිලධාරිහු රැසක් ප්‍රාදේශිය ලේකම් කාර්යාලය ඉදිරිපිටදි ගිලන්පස පිළිගැනිවීම හා ජල බෝතල් ලබාදීම සිදුකළේය.
මෙම අවස්ථාව සදහා නාඋල ප්‍රදේශය නියෝජනය කරමින් පිළිහුඩුගොල්ල පුරාන විහාරාධිපති හා නාඋල සංස්කෘතික බලමණ්ඩලයේ ගරු සභාපති පූජ්ය තලාකොලවැවේ සාරානන්ද ස්වාමින් වහන්සේ හා නාඋල පුජ්‍ය ඉන්ද්‍රසාර ස්වාමින් වහන්සේ ද වැඩම කර සිටියේය.

මීට අමතරව භික්ෂුන් වහන්සේ වැඩම කරන මග දෙපස ප්‍රදේශවාසින් රැසක් ද එක්රොක්වී සිටි අතර ඔවුන් විසින් සාදු නාද පවත්වමින් පා ගමනට ආශිර්වාද එක්කළේය.
තායිලන්ත භික්ෂුන් වහන්සේ වඩින මගට ශ්‍රී ලංකා යුධ හමුදාවේ සහ නාඋල පොලිසියේ විශේෂ ආරක්ෂාව යොදවා තිබිනි.
දඹුල්ලේ සිට වැඩම කරන ලද තායිලන්න භික්ෂුන් වහන්සේ ඇතුළු පිරිස ඊයේ(20) රාත්‍රිය ගතකරනු ලැබුවේ අරංගල සිරි අරහන්ත පබ්බතාරාම විහාරස්ථානයේය.
අනතුරුව උන්වහනසේලා 21 දින මාතලේ බලා පිටත් වීමට නියමිත අතර පසුදින ශ්‍රී දළදා වහන්සේ සමීපයට ගමන් කිරිමට නියමිතය.