Скачать или смотреть ტრადიციული საახალწლო კერძები მესხეთში

ბასილას პურები, ქადა–ხაჭაპურები, გოზინაყი და ჰალვა ბაქმაზით, ნაბახუსევზე კერძი ყაისაფა – ეს იმ საახალწლო ტრადიციულ საკვებთა მცირე ჩამონათვალია, რომელსაც მესხეთში ხშირად ამზადებენ. მაყვალა ასპანიძე ამბობს, რომ ბაქმაზი თუთის წვენისგან დამზადებული ტკბილეულია, რომელსაც საკვებად ხშირად იყენებენ. მას სხვაგვარად თუთის თაფლსაც ეძახიან. ბაქმაზი გემრიელთან ერთად ჯანმრთელობისთვის სასარგებლოა. დიასახლისი ირწმუნება, რომ მას სამკურნალოდ ხშირად იყენებენ, როგორც სასუნთქი გზებისთვის, ასევე გულ–სისხლძარღვთა უკეთესი ფუნქციონირებისთვის. სწორედ ბაქმაზისგან დამზადებული გოზინაყი და ჰალვა ასპინძის რაიონის სოფელ ნიჯგორში საახალწლო სუფრის ერთ–ერთი აუცილებელი ატრიბუტი.