Скачать или смотреть SHULE YA MTWARA GIRLS YASHIKA NAMBA 47 KATI YA SHULE 900 TANZANIA| MKURUGENZI NYANGE AWAPONGEZA.

Mkurugenzi wa Manispaa ya Mtwara Mikindani Mkoani Mtwara Mwalimu Hassan Nyange, amewapongeza Wanafunzi pamoja na Walimu wa Shule ya Sekondari ya Wasichana ya Mtwara (Mtwara Girls high School) iliyopo Manispaa ya Mtwara Mikindani kwa kushika nafasi ya 47 Kitaifa katika matokeo ya Kidato cha Sita Mwaka 2025.

"Tumejitofautisha na Shule kongwe za Wasichana, tumepitwa na Msalato tu, yani hakuna cha Iringa Girls, Hakuna Cha Kilakala, Hakuna cha Songea Girls, hakuna cha Tabora Girls, hakuna cha Weruweru, Sio jambo dogo, hivyo Mimi niwaombe tuendelee ku-think big" amesema Mwalimu Nyange.

Mkurugenzi huyo ameiomba Serikali kuwaangalia Walimu kama wa Mtwara Girls high School, Kwa kuwa wamekuwa wakipokea Wanafunzi ambao wanaufaulu wa kuanzia A mpaka D na kupambana nao hadi kufika ufaulu wa One ya point 4 na 5, wakati huo Kuna Shule ambazo zinapokea Wanafunzi wenye ufaulu wa ABB hivyo inakuwa rahisi kuwatengeneza na kufanya vizuri.

Kwa upande wake Afisa Elimu wa Manispaa ya Mtwara Mikindani Mwl. Mangula Mayemba, amesema kama Halmashauri wamefanya mageuzi makubwa katika njia za ufundishaji, na ndio maana katika Shule hiyo wamepata GPA ya 1.8 huku akiahidi kuwa Mwaka ujao wanampango wa kufanya vizuri zaidi ili wafikie GPA ya 1.6.

Mwalimu Sikujua Anangisye ni Mkuu wa Shule hiyo ya Sekondari ya Wasichana ya Mtwara, amesema katika Matokeo hayo, waliofaulu Daraja la kwanza ( Division One ) wapo 382, Daraja la Pili (Division two) ni 50 na Daraja la Tatu (Division three) wapo 8, kwahiyo hakuna Daraja la Nne (Division Four) Wala Daraja Sifuri na kufanya Shule hiyo iwe ya kwanza Kimkoa na kikanda.

Wakizungumza na Faida Online TV, baadhi ya Wanafunzi wa Shule hiyo wameahidi kufanya vizuri zaidi katika mitihani iliyopo mbele yao, Kwa kuwa wamekuwa na Walimu wanaofundisha kwa jitihada zao zote, pamoja na uwepo wa Mkurugenzi ambae anawatia moyo na kuwapambania kila iitwayo Leo katika safari yao ya masomo.

SUBSCRIBE CHANEL YA FAIDA ONLINE TV YOUTUBE ILI KUPATA HABARI ZETU.