Скачать или смотреть Requirements for new vehicle registration in Ethiopia ,ለአዲስ ተሽከርካሪ ምዝገባ የሚያስፈልጉ ቅድመ ሁኔታዎች

የተሽከርካሪ ምዝገባ ማከናወን ማለት ስለ አንድ ተሽከርካሪ የሕይወት ታሪክ የሚገልፁ ሰነዶችን በመመዝገብ አስፈላጊ የሆኑ መረጃዎችን መያዝና መለያ ቁጥር ወይም ሠሌዳ ፣ ስለባለቤትነቱ ማረጋገጫ ሕጋዊ የሆነና ተቀባይነት ያለው የባለቤትነት መታወቂያ ደብተር /ሊብሬ መስጠት እንዲሁም ለዓመቱ የተሽከርካሪ የቴክኒክ ብቃት ማረጋገጫ ዓመታዊ ተለጣፊ ምልክት/ቦሎ/ መስጠት ማለት ነው፡፡ አንድ ተሽከርካሪ ስለ ሕይወት ታሪኩ አንድ ነባር ቋሚ መዝገብ ይኖረዋል፡፡ በዚህ መዝገብ ውስጥ የተሽከርካሪ መሰረታዊ ሰነዶችና መረጃዎች ይያያዛሉ፡፡
ተላላፊ ሰሌዳ ለመስጠት የሚያስፈልጉ ሰነዶች

የሞተር ተሽከርካሪ እና ተሳቢ መለያ መመርመሪያና መመዝገቢያ ደንብ ቁጥር 360/1991 እንደተገለፀው ተላላፊ ሰሌዳ የሚያገለግለው ከጉምሩክ ለማውጣት ፣ ሽያጭ ወይም ምርመራ ቦታ ለማድረስ ሲሆን የሚፈቀደውም በ25 /ሃያ አምስት/ ኪ.ሜ ለማይበልጥ ደርሶ መልስ ርቀት ጉዞ ብቻ ነው፡፡ በመሆኑም ለሁሉም ዓይነት በአዲስ አበባ ምዝገባ ለሚያደርጉ ተሽከርካሪዎች አ.አ ተላላፊ መጠቀም በቂ ይሆናል፡፡

ለአስመጪ ተላላፊ ሲሰጥ ለካምፓኒው ሥራ ብቻ እንዲጠቀምበት ሲሆን አንድ ተሽከርካሪ ተሸጦ ኢንቮይስ ከተቆረጠ በኋላ በገዢው ስም ስለሚሆን ኢንቮይስ ላይ በተጠቀሰው ሥም የተላላፊ ክፍያ በመፈፀም ተላላፊ ይወስዳል፡፡

ተጭነው ለሚመጡ ሞተር ሳይክሎች ተላላፊ ማውጣትም ሆነ የተላላፊ ክፍያ መክፈል አይጠበቅባቸውም፡፡

ተላላፊ ለመውሰድ የሚያስፈልጉ መሠረታዊ ሰነዶች፣

ባለጉዳይ ወይም ሕጋዊ ተወካይ ማመልከቻ ፎርም እንዲሞሉ ይደረጋል፡፡

ለግል ለሚያስገቡ ዋናውን የማስገቢያ ፈቃድ እና ለአስመጪዎች ቅጂው /ኮፒው/ ላይ የአስመጪ ድርጅቱን እርጥብ ማህተም በማድረግ ማቅረብ አለበት፡፡

ከትራንስፖርት ባለስልጣን የማስገቢያ ፈቃድ

ዲክላራሲዮን ዋናውን

ተሽከርካሪው ከሕጋዊ አስመጪ የተገዛ ከሆነ የተገዛበት ማስረጃ /ኢንቮይስ/ የተሽከርካሪውን ሻንሲና ሞተር ቁጥር ፣ ተጽፎ በድርጅቱ ማሕተም የተረጋገጠ መቅረቡን በማረጋገጥ ሰነዶቹን ተቀብሎ ተላላፊ ይሰጣል፡፡ ደንበኛው ተሽከርካሪውን ለምርመራ ሲያቀርብ ተላላፊውን ይቀበላል፡፡