住加港產極地科學家警告：「列治文恐被海水淹沒 香港都…」2023年冰川唔見一半 寄語鼓勵港青外闖│住加男人的故事－張偉賢（下集）4K

#住加男人 #CanMen
「獅子山下香港人有冒險精神，我希望年輕人趁後生出去闖一闖，為未知文明踏出第一步；最重要係把握機遇，香港依家面對好大危機，但，有危就有機。」港產極地科學家張偉賢（Wilson），喺加拿大皇后大學（Queen's University）做冰川研究，縱橫南北兩極10年，佢寄語香港人，「趁年輕拎多啲經驗，老咗就變成智慧，之後成為人類文明；經驗係透過離開熟悉嘅地方、離開comfort zone，去遊歷去累積。如果你仲掙扎緊，我都建議去一個未知地方闖一闖。」

張偉賢〈住加男人的故事〉上集講到，佢做冰川研究，睇融化速度會知道冰川幾時消失，對水位上升速度有咩影響；今集Wilson帶我哋參觀佢工作地方同化學實驗室，見到唔少二戰時嘅航空拍攝照片，從過去預測未來；仲會介紹佢去冰川做研究時所用工具、儀器同雷達等。不得不提化學實驗室，裡面有遠古微生物，仲會研究炭疽菌添。

作為冰川研究權威，Wilson預警全球現有冰川喺2023至2025年會唔見一半！就連列治文都有機會被海水覆蓋，而作為沿海城市嘅香港……仲會拆解一般人對南北極嘅謬誤，同埋北極點樣分國界等。

奮鬥多年，Wilson坦言有唔少朋友喺極地或山上過身，令佢更珍惜生命、珍惜機會，對人真誠同做好風險管理；例如佢哋係北極做研究，一定唔會單拖，要有人監察周圍環境，提防北極熊或者陣風。Wilson強調北極熊唔會主動傷人，除非受騷亂或太肚餓。

Wilson亦好「羨慕」其他極地工作者，因為佢哋國家有醫療保險，香港政府冇；佢試過喺南極受傷，半年唔能夠工作，冇保險支援下只能靠積蓄……喺呢方面，亞洲國家對極地工作者嘅保護並不足夠。所以Wilson好感謝加拿大政府取態積極，好快批出資源，佢哋亦設立咗師徒計劃做南北極工作，有6名參與者，兩年後或再招募。

Wilson鼓勵香港年輕人踴躍外闖，「好似我咁，做人宗旨係想走到未知最前線，去之前未有人去過嘅地方，第一個人問問題，第一個人犯錯。」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
住加男人YouTube及Patreon會員專享獨家直播及Discord對話區
Patreon會員：  / canmen  
YouTube會員：https://bit.ly/2PwNskm
PayPal單次支持住加男人：https://www.paypal.me/canmen
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

「住加財經」全新加港財經資訊頻道
   / @canfinca  

「住加男人」Facebook專頁
  / canmenca  

「住加女人」YouTube Channel
   / @canengca  

「住加女人」Facebook專頁
  / canwomenca  

「住加男女」Facebook群組分享加港資訊及新聞
  / 859426267552840