香港台釣vlog16 淘寶9.9包郵9尺鼻涕軟竿與窮釣會長回到廿年前休閒野釣

香港釣魚香港台釣vlog16
淘寶9.9包郵9尺鼻涕軟竿與窮釣會長回到廿年前休閒野釣
Hong Kong fishing
Hong Kong freshwater fishing

2021- 05-16
地點:船灣淡水湖墳頭灣
天氣:28-34度，部份時間有陽光，間中有聚雨，日間有醋熱，部分地區有雷暴，南風三四級
水位:70.5%
竿長：9尺
水深：2尺半
釣餌：大頭粉加花生奶香加羅非
魚獲：白條，網紋，紅魔，九間，鯪魚，水針

___________________________________

話說我收到秘密消息，hans約左窮人釣魚永遠榮譽會長去台釣，我同會長都有超過7年冇釣過魚，鉤起我7年之痒，當晚切夜難眠，半夜睡不著，偷偷起床綁左副九尺魚竿釣組，綁完已經天光，搭頭班車入去霸釣位。

去大埔搭頭班車去到涌背，再行去墳頭灣，已經見到個熟悉既人影，原來hans仲過早我來到，已經開好架步，我行左一圈，發覺hans果個釣位唔得食，水甘淺，我移去右邊一d，樹底下，釣九尺水夠深，hans釣釣下都搬左過來，佢話呢度好魚又好坐，一陣會長過來一齊釣。

我照舊，唔打窩，釣頻率，扯魚仔，hans釣十八尺釣到發脾氣，轉釣九尺竿，一個上午，都係狂扯魚仔，下午會長來到，多年冇見，原來佢都未放棄台釣，仲買左新竿來試竿。

風大浪大，我地三個都打濕對鞋，齊齊除鞋釣，三人差唔多釣同一個窩，大家相格都冇1米，今我回想起廿年前剛剛玩淡水甘樣，幾個傻仔唔識釣，有魚又釣一日，冇魚又釣一日，齊哇哇，哈哈哈。

癈話講左好多，今次重點：

我多年來比水塘師傅話我，你支竿短過十五尺，你系釣唔到鯪，你份餌唔得，冇鯪會埋來，我實驗證明，短竿到九尺，都一樣起到鯪魚，份餌唔一定要公式餌，一樣有鯪食