එලුවන් කෑම. ජන ක්‍රීඩා. Eluvan kema. Flok songs

අපගේ ඉතා පැරණි සාම්ප්‍රදායික ජන ක්‍රීඩාවක් වන එළුවන් කෑම
කුඩා දරුවන් රැසක එකතුවෙන් පවත්වන ක්‍රීඩාවකි. සිංහල අලුත් අවුරුද්දේ දී වැඩිපුර දකින්නට ලැබේ. ළමුන් පිරිසක් අත්වැල් අල්ලාගෙන රවුමක් සාදා ගෙන සිටිති. එහි මැද එක් ළමයෙකු තනිවී ඇත. ඔහු එළුවාගේ චරිතය නිරූපනය කරයි. අත්වැල ට පිටතින් තවත් ළමයෙකු අත්වැල වටා ගමන් කරයි. ඔහු එළුවා දඩයම් කරන්නට පැමිණි කොටියා ය. කොටියා වරින් වර අත්වැල කඩාගෙන ඇතුලට පනින්නට උත්සාහ කරයි. එහෙත් අත්වැල අල්ලාගෙන සිටිම ළමෝ එයට ඉඩ නොදෙති. කෙසේ හෝ කොටියා මැදට පැන එළුවා අල්ලා ගන්නට සූදානම් වුව හොත් එළුවා එළියට පැන අත්වැල් රවුම වටා දුවමින් ගැලවෙන්නට උත්සාහ දරයි. එළුවා අසුවුන හොත් ඔහු කොටියා වෙයි. වෙනත් ළමයෙකු එළුවා ලෙස නිරූපනය කරයි.
එළුවන් කෑම ද සිංහල අලුත් අවුරුදු සමයේ දී කා අතරත් ජනප්‍රිය ක්‍රීඩාවකි. විශේෂයෙන් කුඩා පිරිමි දරුවන් මෙම ක්‍රීඩාවට සම්බන්ධ වන අතර, ඇතැම් අවස්ථාවල දී ගැහැණු දරුවන් ද සම්බන්ධ කර ගනී. මෙම ක්‍රීඩාව කවි ගායනයක් සමග ක්‍රියාත්මක කෙරේ. තරමක් දිගු කවි පන්තියක් මේ සදහා උපයෝගී කර ගනී. එය සමූහ ගායනයක් වුව ද තනිවම ගයන පදයක් ද සමූහ වශයෙන් අත්වැල් ගායනයක්ද ඇතුලත් වේ.