DD News Mizoram - Chanchinthar Langsar | 20 August 2024 | 6:30 PM

HEADLINES:

1. Chief Minister Pu Lalduhoma'n Aizawl khawpui atanga Assam Rifles sawn chhuah hna chu Union Home Minister-in kum khat chhunga kalpui zawh theih a ni tih a sawi thu House a hrilh.

2. Home Minister Pu K. Sapdanga'n Mizoram leh Assam-te'n ramri an tih ve ve a inan loh avangin ramriah harsatna a thleng thin tih House a hrilh.

3. Horticulture Minister Prof. Lalnilawma'n thlai thar chi 4 kalpui tur chu sorkarin leisak vek a tum thu a sawi.

4. Social Welfare Minister Pi Lalrinpuii'n Geriatric Caregiver RIPANS hnuaia training chhuak mi pariat, Japan-a kal thei tura thlan chhuahte nimin tlaiah khan a vailiam.

5. Sports Minister Pu Lalnghinglova Hmar chuan nizan khan Zoliana Royte Memorial Indoor 5S Hockey Tournament hawngin Sorkarin infiamna uar bik tur a thlan zingah hockey a tel thu a sawi.

6. MZP General Headquarters Executive Committee vawiina thukhawm chuan Borapansury-a Mizo Police pahnih ten chakma kut an tawrh avangin Chakma-te chu an sahim nan pawn chhuak lo turin an hriattir.

7. Directorate of Information & Public Relations bultumin Directorate leh District hrang hranga DIPRO Office-a Technical staff-te tan ni li awh tur 'Technical Skill Upgradation Training for AVPA' chu vawiin khan neih tan a ni.

8. Mizoram State Commission for Protection of Child Rights (MSCPCR) chairman Pu Jimmy Laltlanmawia'n naupang pawikhawihtute laka mipui nawlpui rilru puthmang siamthat a la ngai nasa hle tih a sawi.

9. Kolasib dist. bawrhsap Pu Robert C Lalhmangaiha hoin nimin tlai khan Kawnpui leh Sethawn inkar National Highway 6 kawngpui chhia avanga harsatna tawh leh a sutkian dan tur chungchang sawiho a ni.

10. Tun hnaia ruahsur nasa avangin Mizoram hmun hrang hrangah vawiin khan khuarel chhiatna thleng hriat tur eng emaw zat a awm.

11. President Droupadi Murmu chuan khuarel chhiatna thlengah nunna chan an tlem theih nan khawchin hrilhlawkna tha tak neih a tul thu a sawi.

12. Supreme Court chuan damdawi lama mithiamte himna tur atan national task force a din.

13. Kawng hrang hranga India leh Malaysia te thawhdunna tur thuthlung New Delhi-ah ziah a ni.

14. Union Health Ministry chuan central sawrkar damdawi In leh zirna inte chu venhimna tichangtlun turin a ngen.


Follow DD Mizoram:
  / ddnewsmizoram  
  / ddnews_mizoram  
  / ddnewsmizoram