Скачать или смотреть សុរិយារៀបលិច - ស៊ីន ស៊ីសាមុត

សុរិយារៀបលិច
បទភ្លេង, ទំនុកច្រៀង និងច្រៀងដោយលោក ស៊ីន ស៊ីសាមុត

ផ្ដើមៈ សុរិយារៀបរលត់ផុតទៅហើយ... មេត្តាឆ្លើយប្រាប់សង្សារខ្ញុំឲ្យដឹងផង
១ - សុរិយាទន់ទាបរៀបអស្ដង្គត រស្មីរលត់ចាកចោលលោកា រស្មីពណ៌មាសពាសអាកាសា ដូចក្ដីស្នេហាអូននិងរៀមរ៉ាមិនដាច់អាល័យ
២ - ស្រមោលពពកនឹកភ្នកដល់ភក្ត្រ ស្រស់កែវវរលក្ខណ៍ត្រួយហឫទ័យ ភក្ត្រាប៉ប្រិមញញឹមប្រិមប្រិយ ចិត្តអើយអាល័យអង្គុយស្រមៃឃើញថ្លៃជានិច្ច
បន្ទរ - ពពករសាត់ឆ្ងាយបាត់ទៅហើយ អូនអើយបងនៅចងចាំមិនភ្លេច យើងធ្លាប់បានអង្គុយមើលថ្ងៃរៀបលិច រស្មីពេជ្រចាំងរំលេចភក្ដ្រស្រីជីវា
៣ - ឆោមអើយឆោមស្រស់អស់ស្រីក្នុងលោក មិនងាយនឹងរកដូចអូនឡើយណា បងសូមផ្ដែផ្ដាំតាមសែងសុរិយា បើជួបស្នេហាសូមសុរិយាមេត្តាប្រាប់ផង
បញ្ចប់ៈ ប្រាប់ផង... ថាខ្ញុំនៅស្នេហ៍....