Скачать или смотреть MADIWANI TABORA WAHIMIZWA KUTATUA KERO ZA WANANCHI

Mbunge wa Tabora Mjini, Hawa Mwaifunga, amewataka madiwani wa Manispaa ya Tabora kuimarisha ushirikiano wao na watendaji wa Halmashauri ili kuhakikisha kero za wananchi zinashughulikiwa kwa haraka na kupatiwa ufumbuzi wa kudumu.

Akizungumza Februari 24, 2026, wakati wa kikao cha kwanza cha Baraza la Madiwani kilichofanyika katika ukumbi wa Manispaa ya Tabora, Mwaifunga amesisitiza kulipwa kwa madeni ya wananchi.

Nae Mstahiki Meya wa Manispaa ya Tabora, Gulam Dewji, amewataka madiwani kusimamia kwa karibu utekelezaji wa miradi ya maendeleo katika maeneo yao ili kuhakikisha thamani ya fedha inaonekana na wananchi wananufaika ipasavyo.

Akiwasilisha hoja yake katika kikao cha Baraza la Madiwani, Mwenyekiti wa Kamati ya Mipango Miji, Ujenzi na Mazingira, Bandora Mirambo, amehoji ni lini Barabara ya Uhuru yenye urefu wa kilomita moja itaanza kutumika rasmi na wananchi.

📻 Sikiliza Uyui FM Radio popote ulipo duniani, bofya kiungo (link) kwenye bio yetu.

#2026Fanikisha #tunasambazaunyamwezi #Fanikisha #radioyetusautiyetu