Скачать или смотреть Heyvanlar neçə manata sığortalanacaq? | Fermerlərin işi daha da asanlaşdı

Heyvanlar neçə manata sığortalanacaq? | Fermerlərin işi daha da asanlaşdı

Azərbaycanda keçi və qoyunlar 7, inəklər 24 manata sığortalanacaq.
Aqrar Sığorta Fondunun məlumatına görə, iri və xırdabuynuzlu heyvanların sığortası südlük və ətlik mal-qaranı, eləcə də keçi və qoyun təsərrüfatlarını əhatə edir. Tariflər heyvanın qiyməti əsasında hesablanır və bu məbləğin 50 %-i fermerə dəstək üçün dövlət tərəfindən ödənilir.
Fonddan bildirilib ki, 300 manatlıq qoyunun sığortalanması üzrə sığorta haqqı 13 manat 80 qəpik, 1000 manatlıq inəyin sığortalanması üzrə sığorta haqqı isə 48 manat 90 qəpik təşkil edir.
Bu məbləğin 50 %-i dövlət tərəfindən qarşılandığı üçün 300 manatlıq qoyunun baza zərflə sığortası fermerə cəmi 6 manat 90 qəpiyə, 1000 manatlıq inəyin sığortası isə 24 manat 50 qəpiyə başa gəlir.
Fermer və təsərrüfat sahibləri heyvanlarını baza zərfindən əlavə olaraq 3-cü şəxslərin hərəkətlərini nəzərdə tutan risklərdən də sığorta edə bilərlər. Buraya heyvanın avtomobillə vurulması, daşınma zamanı qəza nəticəsində ölümü, elektrik cərəyanı vurması, heyvana qulluq zamanı kimyəvi maddələrdən zəhərlənməsi, eləcə də oğurluq, soyğunçuluq və sair aiddir.
"Heyvanların əlavə riskləri də nəzərə alınmaqla sığortalanması üzrə sığorta tarifləri iribuynuzlu heyvanlar üzrə 7,8 %, qoyun-keçilər üzrə isə 7,37 % təşkil edir. Başqa sözlə, əlavə riskləri də nəzərə almaqla 300 manatlıq qoyun-keçinin sığortalanması fermerə 11 manata, 1000 manatlıq inəyin sığortalanması isə 39 manata başa gələcək. Südlük mal-qara 7, ətlik mal-qara 3, xırdabuynuzlu heyvanlar isə 5 yaşınadək sığortalanır", – deyə məlumatda qeyd edilib.

Bizi WhatsApp-da izləyin https://whatsapp.com/channel/0029VaAm...

https://t.me/bakutvxeber
https://x.com/bakutvofficial
  / baku.tv  
https://www.baku.tv

Heyvanlar neçə manata sığortalanacaq? | Fermerlərin işi daha da asanlaşdı

2025 © All Rights Reserved ℗ "Baku TV" LLC ™


#bakutv #heyvanlar #fermer