Скачать или смотреть DAP News, Khmer News 30-06-2016 |ក្រសួងការងារ|ឲ្យសហជីព និងសមាគម ច្បាប់ស្ដីពីសហជីព

ក្រសួងការងារ និងបណ្ដុះបណ្ដាលវិជ្ជាជីវៈ ស្នើឲ្យសហជីព និងសមាគមនិយោជក ដែលមានបញ្ជិការួច ក៏ដូចជាសហជីព និងសមាគមនិយោជក ដែលកំពុងស្នើសុំបញ្ជិកា បំពេញតាមលក្ខខណ្ឌ ត្រូវអនុវត្តឲ្យបានត្រឹមត្រូវរាល់កាតព្វកិច្ច ដែលមានចែងក្នុងច្បាប់ ស្ដីពីសហជីព។
សេចក្ដីជូនព័ត៌មានស្ដីពីការចូលជាធរមាននៃច្បាប់ស្ដីពី សហជីព នៅថ្ងៃទី២៩ ខែមិថុនា ឆ្នាំ២០១៦ បានឲ្យដឹងថា សំណើរនេះ ធ្វើឡើងក្នុងគោលបំណងដើម្បីធានានូវការការពារសិទ្ធិ និងផលប្រយោជន៍ស្របច្បាប់របស់ជនទាំងឡាយដែលស្ថិតក្រោមបទប្បញ្ញត្តិនៃច្បាប់ស្ដីពីការងារ និងបុគ្គលិកធ្វើការ តាមផ្លូវអាកាស និងផ្លូវសមុទ្រ និងធានានូវសិទ្ធសេរីភាព ក្នុងការចរចាជាសមូហភាពរវាង កម្មករ និយោជក និងនិយោជក ព្រមទាំងជំរុញឲ្យមានសុខដុមរមនា ក្នុងទំនាក់ទំនងវិជ្ជាជីវៈ និងរួមចំណែកក្នុងការអភិវឌ្ឍការងារសមរម្យ សំដៅបង្កើនផលិតភាព និងការវិនិយោគ ដើម្បី បង្កើតការងារថ្មីបន្ថែមទៀតជូនប្រជាពលរដ្ឋ។
គួរបញ្ជាក់ថា ច្បាប់ស្ដីពីសហជីព ត្រូវបានប្រកាសឲ្យ ប្រើប្រាស់កាលពីថ្ងៃទី១៧ ខែឧសភា ឆ្នាំ២០១៦៕