نوصيك كانك عازم

وَصّيك تلقى الخير كانِكْ عازمْ * و كُل مَن صْحَبْ صاحبْ فراقه لازمْ
شَيّعتْ عيني للجبل وَ رْقِيتَه * مْلِيتْ كَمشْتِي بالوَرْدْ شُوك لقيته
... رَوّحْ و يزّي مِالغياب و حِيره * كفانا السهر و الشَبحَ للتصويرة
يا عينْ لَرْخَى يا رقِيق الحاجبْ * هِزّيه يَرقَى وحدّريه يواجِب
مبروك عِرسك يا بعيد رْدَادَه * على قد حُصْحاص الجبل و رْشَادَه
رَوّح لوكرك يا غريب و جالي * عَمّرت وكر الناس وكرك خالي
رُوِمِي منامك و اهجعي يا عيني * بَالِكِشْ رِيدِي في المنام تْجيني
سَمّيت بنتي عل مْرَا نُبغيها * تهسّس عَليّا وقت ما انّاديها
نهنّيك يا قلبي حبيبك ريتَه * وقاعد يحبّك كيف ما حَبّيته
شيّعت عيني لفُوق ريت النجمة * خطرت عليّ مِ الخجل والحِشمة
يا عين ماتبكيش عَلّي ماتُوا * وابكي على الحَيِّينْ كِيف تْخاطو