مهداة الى الشيخ : فرج بن عبدالله ابن درعان | اداء : خالد ال بريك ، كلمات : عبدالرحمن سلطان حصرياً

#سبيع #خالد_ال_بريك

اهداء الى رجل الاعمال الشيخ
فــرج بن عبــدالله ابـن درعان
من الإعلامي : مقحم بن سلطان
كلمات : عبدالرحمن بن سلطان
اداء : خالد ال بريك
تنفيذ ومونتاج : طلب بن جخدب


ياصاحبي خلك قريب وكب الصدود
البعد خلا ضلوع الصدر مثل الهشيم

والله مال التعب طاري وحالي يزود
لاصار قلبك سليم وصار قلبي سليم

وان صرت مرتاح بقعا جعلها ماتعود
قلب المعنا يحركه الغلا والنسيم

والغايه اللي ورى صرف الذهب والنقود
مهيب مثل الدعا بين الصفا والحطيم

والمدح مايضهر الطيب ولا منه فود
مايضهر الطيب الا كود ساسن عضيم
———
مثل ابن درعان واللي خلف الامه يكود
الأبلج اللي على زلة رفيقه حليم

فرج فرج هادم الذات غيث الكبود
مجتمعتن فيه وسمان المطانيخ هيم

من يحتزم بك يبن درعان يرقا سنود
ماله معادي ولا له في زمانه خصيم

لا يافرج يبن عبدالله عريب الجدود
يالنادر الي تهنيك العرب من قديم

عز الله انك على الطاله بذلة الجهود
طبيعتن فيك تبقا يا الشجيع الكريم

حاول تردا ترى طيبك تعدا الحدود
من شان توصل مواصيلك عيال الحريم

حتى عطايك ماتبغي عليها ردود
ياطيب الصيت شكلك في زمنا عديم

ان اشهد انك رفيق ودون ربعك تذود
تلطم هل الشر عنهم ياملاذ السقيم

والا العلي مجدهم ثابت ولا به جحود
من فوق كبد السماء ياطا بليس الرجيم

صغيرهم ماينام الا على حس ذود
معربن لا غزا خلا الرديه عقيم

وسبيع دون الديار ودون بنت القعود
عدوهم لارحم جده يذوق الجحيم

وسبيع مامثلهم بين الملا ف الوجود
قبيلتن فعلها وهروجها في الصميم

وسبيع بين الجبال الشامخه والنفود
هاذي تضاريس ديرتهم سعدها مقيم