Киһи олоҕо - уус-уран айымньы🌈🥰👏

Амма улууһун Абаҕа нэһилиэгэр өр сыл бибилэтиэкэринэн бэриниилээхтик үлэлээбит ССРС культуратын туйгуна, Абаҕа нэһилиэгин бочуоттаах олохтооҕо, "Урамньы" улуустааҕы бириэмийэ икки төгүллээх лауреата, "Кэскили түстээччи" анал аат хаһаайката, хомоҕой тыллаах хоһоонньут, ырыа айааччы, Абаҕа дьиҥнээх патриота Галина Захарова-Уордьаннаах кыыһын туһунан төрөппүт оҕолоро “Это хорошо!” диэн кинигэ оҥорон таһаартардылар. Кинигэ Галина Ильинична оҕо аймахха айан хаалларбыт саамай биллэр ырыатын аатынан ааттаммыт. Истиэхтэн кэрэ матыыптаах ырыаны дьоро күн кини хос сиэннэрэ кэрэчээн Аэлита уонна кырачаан Варвара ыллаан дьон кутун-сүрүн туттулар, сүрэҕин манньыттылар. Саҥа кинигэни сүрэхтиир дьоро күҥҥэ Галина Ильинична оҕо сааһын доҕотторо, бииргэ үлэлээбит кэллиэгэлэрэ, Көстөкүүн Туйаарыскай аатынан литературнай түмсүүгэ алтыспыт дьүөгэлэрэ, үөрэнээччилэрэ, төрөппүт оҕолоро истиҥ, иһирэх ахтыыларын оҥордулар.

Вера ИВАНОВА

#yakutia #амга #амма #абага #нвксаха #сахасирэ #саха #сахалыы #мама #воспоминания #книга