Скачать или смотреть DISTRICT EARLY INTERVENTION CENTER (DEIC)

महाराष्ट्राच्या पूर्वेला असलेला चंद्रपूर जिल्हा. नैसर्गिक साधन संपत्तीने नटलेला. याच चंद्रपूरमध्ये एक अशी संस्था आहे, जी सामान्य जीवन जगण्यास असमर्थ आहेत, त्यांच्या जीवनात आशेचा किरण निर्माण करण्याचं अतिशय उल्लेखनिय कार्य करीत आहे. त्यामुळे अशा संस्थेचं कार्य लोकासामोर येणं फार गरजेचं महत्वाचं आहे. वयोगट 0 ते 18 मधील दिव्यांग बालकांच्या शारिरीक, मानसिक विकासासाठी कार्य करते. अशी ही संस्था आहे DEIC (DISTRICT EARLY INTERVENTION CENTER). येथे दिव्यांग बालकांवर थेरपी उपचार केले जाते. या संस्थेच्या मॅनेजर आश्विनी जुलमे यांनी सांगितले की, त्यांच्या संस्थेत 4D वर उपचार केले जाते.

4D म्हणजे, 1. Defect at birth 2. Developmental delays 3. Diseases 4. Deficiencies

या सेंटरमध्ये तिरळेपणा, हात-पाय यामधील कमजोरपणा, बहिरेपणा, ओव्हर सिम्युलेट यासारख्या आजारांवर उपचार केले जाते, DEIC मध्ये जवळपास 25-30 बालके उपचार रोज घेत असतात. या सेंटरमध्ये 14 तज्ज्ञ डॉक्टर कार्य करतात. DEIC मध्ये जे पालक आपल्या बालकांना उपचारासाठी आणतात, त्यांच्या बोलण्यावरून या सेंटरमध्ये उपचार हे त्यांच्या बालकांसाठी सकारात्मच आहे, असे जाणवते. अयांशी ही छोटी बालिका सेंटरमध्ये उपचारासाठी येते. त्यांचे पालक तिच्या शारिरीक दिव्यांगाबाबत चिंतीत होते की, तिला चालता येईल की नाही, हातापायात कमजोरी, नीट बसता येत नव्हते. पण सेंटरमध्ये उपचारासाठी आल्यानंतर आता तिच्यात बराच फरक जाणवायला लागलेला आहे.

येथील फिजीओथेरपीस्ट डॉ. अवचट ह्या रिद्धी या बालिकेवर थेरपी उपचार करीत आहेत. त्यांना रिद्धीमध्ये आमुलाग्र बदल घडविले आहेत. डॉ. पिल्ले हे आप्टोमेट्रीस्ट असून डोळ्यांवर उपचार करतात. एकंदर पाहता DEIC मध्ये अशाच बालकांचा उपचार केला जातो, ज्यांच्या जगण्यातला आनंदच संपलेला होता. परंतु, या सेंटरमध्ये उपचार घेताना बालकांच्या चेह-यावर आनंद ओसंडून वाहताना दिसत आहे. जगण्याचा खरा आनंद त्यालाच मिळतो जो दुसऱ्याला आनंद देतो. म्हणूनच जीवन जगण्याचा आनंद घ्यायचा असेल तर आनंद घ्या नी आनंद द्या DEIC सारखा.