Скачать или смотреть पेशव्यांचा निर्लज्जपणा ; इंग्रजांच्या मदतीने भारताच्या पहिल्या आरमाराचा केला पराभव ||Shivaji Maharaj

#patilsopinion
#shivajimaharajhistroy

पेशव्यांचा निर्लज्जपणा ; इंग्रजांच्या मदतीने भारताच्या पहिल्या आरमाराचा केला पराभव ||Shivaji Maharaj
   • पेशव्यांचा निर्लज्जपणा ; इंग्रजांच्या मदती...  
==============================================================
विडिओ विषयी -
सरखेल कान्होजी आंग्रे च्या मृत्यूनंतर तुळाजीराव आंग्रे हे आरमाराचे प्रमुख झाले. ते पेशव्यांना जुमानत नव्हते. पेशव्यांच्या मर्जीनुसार वागत नव्हते. म्हणून पेशव्यांनी इंग्रजांशी संधान साधून कपटाने तुळाजीरावांचा पराभव करून शिवाजी महाराजांनी उभारलेले हिंदुस्थानातील पहिले आरमार इंग्रजांच्या घशात कसे घातले त्याविषयीचे वर्णन या व्हिडिओमध्ये केलेले आहे.
============================================================

जय शिवराय...
हिंदुस्थानच्या इतिहासात गेल्या दीड हजार वर्षात स्वतःचं नाविक दल उभारणारा एकमेव राजा म्हणजे छत्रपती शिवराय. देशाचं आजचं नौदलही त्यांच्या स्वप्नाची पूर्ती म्हणायला हवी. महाराष्ट्राला लाभलेल्या सागरी किनार्‍याचं, इथल्या लोकजीवनाचे आणि इथल्या लोकधर्माचे रक्षण करण्यासाठी त्यांनी सागरी आरमाराची निर्मिती केली होती.
समुद्र काठावरील किल्ल्याचे रक्षण व्हावे म्हणून त्यासाठी महाराजांनी सिंधुदुर्ग या किल्ल्याची उभारणी केली. सोबतच सुवर्णदुर्ग हा किल्लाही त्यांनी जिंकून घेतला आणि स्वराज्यात जोडला. याच जलदुर्गाने मराठ्यांच्या इतिहासाला दिला एक दुसरा शिवाजी जो "समुद्रावरचा शिवाजी" म्हणून ओळखला जात होता. हा समुद्रावरचा शिवाजी म्हणजे सरखेल कान्होजीराव तुकोजीराव आंग्रे. कान्होजी रावांना सुवर्णदुर्गाची किल्लेदारी मिळाली. याच सुवर्णदुर्गावर कान्होजीरावांचे वडील तुकोजीराव आंग्रे हे सरनोबत म्हणून काम करत होते. या कान्होजीरावांच्या आरमाराची दहशत भल्याभल्या परकीय सत्ताधीशांनी घेतली होती. यांच्याच काळात महाराष्ट्राचा समुद्र किनारा खऱ्या दृष्टीने सुरक्षित होता. सन 1729 मध्ये कान्होजीराव यांचा मृत्यू झाला आणि मराठी आरमाराचा तो दराराही कमी होत गेला. कान्होजीराव निवर्तल्यानंतर हा जलदुर्ग आणि आरमार तुळाजीराव आंग्रे यांच्या हाती आलं. त्यांनी ते आरमार अधिक शक्तिशाली बनवलं. पण हे तुळाजीराव पेशव्यांना जुमानत नव्हते. पेशव्यांच्या मर्जीनुसार वागत नव्हते. या गोष्टीचा पेशव्यांना खूप राग आला. तुळाजीरावांचा पराभव करण्यासाठी हे पेशवे चक्क इंग्रजांना जाऊन मिळाले. इंग्रजांच्या शिस्तशीर आरमाराच्या मदतीने पेशव्यांनी आपल्याच तुळाजीरावांचा म्हणजेच शिवाजी महाराजांनी उभारलेल्या हिंदुस्थानाच्या पहिल्या आरमाराचा पराभव करून संपूर्ण आरमार इंग्रजांच्या घशात घातले. या इंग्रजांनी पेशव्यांच्या मदतीने तुळाजीराव आंग्रेच्या ताब्यातील सर्व जलदुर्गांचा ताबा आपल्याकडे घेतला.
रामाजीपंत महादेव जमिनीवरून चालू करून आले तर इंग्रज समुद्रातून चाल करून आले. तुळाजीरावांच्या सैन्याने 22 मार्च 1755 ते 6 एप्रिल 1755 पर्यंत सुवर्णदुर्ग झुंजवत ठेवला. अखेर कमांडर जेम्सने तो किल्ला जिंकला आणि पेशव्यांच्या स्वाधीन केला. अशाप्रकारे पेशव्यांनी समुद्रावरची मराठ्यांची अमर्याद सत्ता चक्क पाण्यात बुडवून टाकली. स्वकीयांच्या भांडणात शत्रूपक्षाला मिठी मारली.

============================================================

#shivajimaharajhistroy
#shivajimaharajsongs
#sambhajimaharajmrutyu
#marathawarrior
#kanhojiangre
#shivajimahrajnavy
#indiannavy