Скачать или смотреть Antica Castrofilippo

Antica Castrofilippo By Alfonso Di Francesco

QUANNU NI PATU
Cinzia Caminiti
QUANNU NI PATU
musica: Salvatore Riela - testo: Francesco Foti

Oh quantu longa mi pari 'sta strata,
Quantu ni patu p'attruvari a tia!
E lu cavaddu si ferma di 'cchianata,
La rota pigghia scaffi e nun furria.
Partu ccu' lu bon tempu, a matinata;
Lu suli mi faceva cumpagnia....
Poi vinni la timpesta,
Timpesta a l'impinsata
E lu cavaddu persi la varia.
Ma si t'affacci di la barcunata
Quannu la vuci di l'amuri senti,
Torna lu suli 'ntra la me' iurnata
E scordu tutti li me' patimenti.
Rosa di maju frisca, spampinata,
Sbucciata sula a lu me' cori ardenti...
Ppri mia lu ventu e l'acqua,
L'acqua e la jlata,
Quannu passu di cca nun su' cchiù nenti!

PRI TIA DILIRIU E SPASIMU
Francesco Paolo Frontini, ed. Ricordi 1883, Cinzia Caminiti voce, Gianni Nicotra mandolino e mandoloncello, Paolo Capodanno mandolino, Massimo Genovese chitarra, Michele Gagliano chitarra, Rosalba Sinesio voce.

Pri tia diliru e spasimu,
Cridimi, armuzza mia,
Riduttu su' fantàsima,
Bedda, pr'amari a tia.

La notti o sia lu jornu,
Sempri pinsannu a tia.
Giru li mura'ntornu
Bedda, pr'amari a tia.

S'affacci, pri disgrazia,
Diri'un ti pozzu nenti;
Sunnu comu la morti
Supra di nui l'aggenti.

Ma iddi, chi si cridinu
Cu sti granni'mpusturi?
Nni vonnu fari spàrtiri
Bedda, lu nostru amuri!

CANZUNA DI LI CARRITTERI
1883, di Francesco Paolo Frontini
Cinzia Caminiti voce, Gianni Nicotra mandolino e mandoloncello, Paolo Capodanno mandolino, Massimo Genovese chitarra, Michele Gagliano chitarra, Rosalba Sinesio voce.

Iu partu e su' custrittu di partiri,
ciatu ti lassu stu cori custanti;

A tia lu lassu e non mi l'ha' tradiri,
non fari ca lu fidi a n'autru amanti;

Di nottitempu ti vegnu a vidiri,
ti staju comu un'ummira davanti;

Si senti ventu, su' li me' suspiri,
l'acqua ca vivirai su' li me chianti!