Скачать или смотреть 身處英國點樣幫香港手足 – 國際線 - HKer UKlife 香港人英國生活資訊

一個香港人響英國生活既點滴。會提供一D資訊，同埋一D優惠服務咁
身處英國點樣幫香港手足 – 國際線
2019年既大革命， 係有血有汗有手有腳既一班勇敢年輕手足衝上街頭爭取民主自由而發展出黎。佢地為左想脫離中共既魔掌， 不惜用自己既身體，冒住永久傷殘及甚至有人死亡既危險， 去面對催淚彈同子彈，呢一個傘陣VS槍林彈雨既畫面歷歷在目。

事件因為一埸武漢肺炎正式停左落黎，但我地爭取民主既決心同目標仍未平息。日子暫時係尚算穩定，要拉既拉晒，要走既走左。既然今日我地暫時脫離左中共既威脅就要諗下點樣為呢班年青人出返一分力，係佢地為我地帶來安穩日子， 又豈可以唔為在獄中受苦既佢地出返少少力﹖

響英國唔同香港，發聲唔太需要走上街頭，因為英國有完善既溝通渠道﹐讓巿民既聲音得到回應，你有咩唔滿意，可以透過議員，將你既聲音帶入去議會，然後再提出一啲私人議案，去令政府改變或增加一啲政策去回應你既訴求。我地黎到英國，如果係BNO護照持有人，係有投票權，首先要提你記得要登記做選民。既然我地有投票權，就有權要求我地既議員將我地既聲音帶入去議會。就算我地無BNO護照，暫時未能投票既香港人，亦同樣可以向你既議員提意見，因為你將會擁有投票權，你地既聲音同樣會被重視，只要你宜家身處英國，你就可以同你地既MP提意見。佢地唔做野就唔會得到選民支持。


所以我地除左可以組織一啲社會運動去表達意見，仲可以組織一啲座談會或研討會，約一啲社會領袖同議員出席，然後逐一同佢地表達現時我地最擔心既係香港班年輕人，可以建議佢點樣幫呢班年輕人，咁樣我諗對於一部份為左下一代而離開香港既父母輩同和理非會更容易參與。要改變一個社會要好多方面配合，我地唔止得一個方法去表達意見。大陸係野蠻既國家，樣樣野夾硬黎，逼你走上街頭，用行動宣洩我地既不滿。但英國係一個gentleman 紳士國家，係講道理既地方，我地既聲音係會有人聽同回應，我地唔一定要再衝上街頭去發聲。我地黎到就應該學習人地既文化，唔係咩﹖

我見到香港過左黎既香港人，好有心組織吃渴玩樂聚會，何不試下又搞類似既集會，去真正為香港出返一分力呢﹖今日係2022年既第一日，我響呢度祝大家身體健康，生活愉快。同時希望你記住，今日你可以生活愉快係得來不易。拜拜你條尾，希望幫到你。