White boy X bad boy ٍSer3 وايت بوي _ باد بوي صراع ( Official Video Clip )

Directed & Montage Nader Alshmaki
Camera Group Ali Baira & Aymen Dali
Mixing & Mastering DJ Rk
Instagram White_boy_officiel
Instagram bad.boy.officiell
كلمات الأغنية
نادم إني قصرت في حق نفسي اني
نادم عالوقت اللي ضيعته هكي وخلاص مشي
مش الدنيا اللي تغيرت في الدنيا تغيرنا حني
نديرو في الغلط ونحشو في راس الضروف اللي هني
كبرنا عرفنا الدنيا وشفنا هلبا عمايل
وماعمركش تقول للي يقول علاش مقايل
عايشين نضاف في الوسخ اللي صاير
يكفي لما تسأل عليا مايقولوش مداير
شن تحسابه كل شي بحسابه
وقداش شبيب في الحروب ضيع شبابه
خيره الجو مولي هكي فدد وكأبه
ماتشدش بيها ضهرك الدنيا راهي قلابه
بنعيشو مرة مش مرتين علاش بنرضي الناس
واللي شافلنا بنص العين حني ماشفنالاش
اني العوج مانحباش ومانديراش
فقدنا الباهي قعد الشين تجي ف الباهي علاش
لافي حالي خلت لا الغمه مني تخلت
لاالبيبان تحلت ولا الحديده تعلت
حسبتش روحي بنقرا باش نعكس في المثلث
معاش نبيها رديني صغير ونقولو نحلت


نفسي تبي اتوب وشيطاني ساكن متعنت
حتي دعينا دعاوينا مست الحيوط وولت
حتي نقصت الموزيقا ارقامي معادش رنت
حبسي بلا قضبان النفسية مل الحبسة ملت




تريس نذلت قلت يحبوك تكون مخنت
كانك ولد الماما قول للدولة نبي وتمت
مانحبش نتلون وخلي يقولو متزمت
كيف نلوم الكافر والمسلم في خوه متشمت


صدمه فصدمه لما بان المدرق اللي تحت غطاه
ماتشدش ظهرك بحد لان الشده بس في الله
ماتسئلش طبيب تعالي وخيك ولا سطا
عقله زاد فاق وقلبه مات مع الأعضاء
ياه يا يا يا يا يا يا ياه ياه
ماشي بدماغه مش بودانه ولدك نضلم في زمانه ولدك يايما تعب هني وشقي

ياه يا يا يا يا يا يا ياه ياه

نص صحابنا في الجبانة خش فينا السوس وكلانا قداش انتصبو من خيم عزي

ياحسرة لما كنا صغار نكبرو في روحنا عليك يامات
دكريات كبرنا الوقت بسرعة فات
دنيا كل يوم ترفع وجيلنا نصه مات
وحني غافلين قاعدين هايمين في العكسات
ياما تبهدلو عايلات ومضاليم في الشيلات
وصحاب في التبات نخاف نسمع حد منهم مات
ياما نضنا مخلوعين بصوت رزمات
حتي جيل الألفينات خشو عالدوخة والوحدات
صراع بين نفسي وضميري نعيد في حسابات
نغلط زيني زي الناس لاكن عندي ميزات
لو يرجع بيا الزمان نصلح هلبا حاجات
ونطلع من حياتي هلبا خلايق وشكالات
حتي عقلي وقلبي صاير بينهم موضوع اخي
عقلي يقولي فوت الراب لاكن قلبي تعلق بيه
زعما غدوا شن فيه وزعما يصير لي نبيه
ومش كل راجل يقعد راجل لما الوقت يواتيه
قداش فريت وشن مكسب نومة العشية
قداش صليت وكم عاديت مل البشرية
لشكون شكيت ولما طارت منها النية
ماليا الا ربي لاصحبة لاتبعية

بعت القضية ونضحك في بلاد النفسية
شن كاسب في راب عمره ماعبالي الصونية
شن كاسب فبلاد يحشو فيهم بالوطنية
مش الموجة بس اللي تغرق فينا فالمية


لاطواسي ولاسباسي.،ماتواسي اللي فراصي
مش ماد ايديا نساسي، بعرقي خديت خلاصي
حتي كاني عاصيعندي ضمير مش قاسي
فقبري لافلوسي تنفعني لاسلاحي لارصاصي


دير الخير وانساه.. دير الشر تلقاه
درت الخير وجاني الشر الواقع شل حل معاه
لي فلقتي الطيبه ماكنتش نقول لا
مهما تقسي الظروف اللي بقدره يموت بمبداه